Gjëja më e rëndësishme që Arianna Huffington bën çdo mëngjes


“Të fuqizosh njerëz dhe të vendosësh veten tënde në qendër nuk ka të bëjë me të qënit egoistë, ka të bëjë me të qënit i/e mençur,” ka thënë ajo për një audiencë sipërmarrësish dhe zotëruesë të bizneseve të vogla në “American Made Awards Summit” të Marta Stjuart në Nju Jork.

Në 2007-ën, dy vite pasi themeloi Huffington Post, guruja e medias vuajti nga një thyerje e kockës së mollëzës pas rrëzimit që pësoi nga rraskapitjet dhe humbja e gjumit. Aksidenti bëri që Huffington të ridrejtonte prioritetet e saj dhe të “hapte luftë” kundër kulturës e të qënit të fiksuar ndaj teknologjisë.

“Vë bast se çdokush në këtë sallë e di ekzaktësisht se sa bateri i ka ngelur në smartphonin e tij/saj,” ka thënë ajo. ”Dhe të gjithë po kërkoni një prizë për ta karikuar atë më vonë.”

Huffington i beson fort idesë se të bësh më shumë gjumë është gjëja më e rëndësishme që sipërmarrësit mund të bëjnë për startupin e tyre. “Ekziston ky iluzioni se lodhja mendore dhe fizike e shkaktuar nga puna e tepërt dhe humbja e gjumit janë rruga drejt suksesit. Por, e vërteta është se 3 nga çdo 4 startupe dështojnë. Dhe ndërmjet tyre ekziston një lidhje.”

Për të rregulluar një varësi, të cilën atë e ka penguar që të kapërcejë sfidat e vështira në punë, Huffington vendosi ta ndalonte pajisjen e “magjishme” nga orët e vona të natës dhe ritualet e mëngjesit. Ajo inkurajon të gjithë të tjerët të bëjnë të njëjtën gjë.

“Fikini të gjitha pajisjet 30 minuta para se të shkoni në shtrat, dhe nxirrini nga dhoma juaj e gjumit,” ka thënë ajo. “Nëse i keni pranë, është e thjeshtë t’i dorëzoheni tundimit që të shihni emailet që ju kanë mbërritur në mes të natës. Kur zgjoheni në mëngjes bëjeni zakon që të mos nxitoni për të kapur telefonin.”

Huffington i jep vetes një minutë për të menduar për diçka të bukur rreth së cilës ajo është mirënjohëse në jetë. “Kjo do të ndryshojë energjitë e ditës suaj,” ka shpjeguar Ariana. “Me çfarëdolloj gjëje që ju mendoni se ju ka bekuar Zoti…ajo është mënyra dhe humori me të cilin duhet të nisni orët e para të mëngjesit.

Koncepti i ritualeve të mëngjesit i Huffington sugjeron se ajo që ju kërkoni ju nga vetja të jetë gjithmonë më e rëndësishme se ajo çfarë kërkon bota nga ju.

“Gabimet më të mëdhaja në Huffington i kam bërë kur kam qenë e lodhur. Thjesht doja të çekoja punën e bërë në listën time të gjërave për të bërë dhe injoroja ‘dritat e kuqe’,” ka pranuar ajo.”Kur nuk kam bërë gjumë mjaftueshëm jam më shumë emocionale dhe e ndjeshme ndaj sfidave.”

Ndërsa ha debat që vetë “krijesa” e Huffington-it, kanali kaq shumë popullor mediatik mund të jetë një nga “fajtoret” e fiksimit tonë me ndërkomunikimin në botën dixhitale, ajo nuk është e vetme në fushatën e saj për rëndësinë e gjumit.

Studimet shkencore kanë zbuluar se mungesa e gjumit mund të reduktojë performancën tuaj mendore po aq sa edhe gjendja e të dehurit, ose mund të rrisë rrezikun e të qënit më shumë paranojak. Madje ka edhe aplikacione që na ndihmojnë të bëjmë një gjumë më të mirë.

“Bota në të cilëm jetojmë beson se duhet të ngjisim shkallët deri kur të arrijmë suksesin. Por mund të rrëzohemi,” ka thënë ajo. ”Sipërmarrësit harrojnë se fillon me secilin prej nesh.”

Pas të gjithave, nëse jemi të aftë të kuptojmë nevojën e prodhimit të qëndrueshëm ose të veshjeve të qëndrueshme, ose të udhëtimeve të qëndrueshme, atëherë nevoja për një trup dhe mendje të qëndrueshme duket qartazi.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale