Frikërat që duhet t’i kalojmë në mënyrë që të kemi sukses në biznes dhe jetë - Business Magazine Albania

Frikërat që duhet t’i kalojmë në mënyrë që të kemi sukses në biznes dhe jetë


Frikërat tuaja mund të jenë barrierat e suksesit. Më poshtë janë disa nga frikërat që na pengojnë në rrugë drejt suksesit. 

Frika 1 – Po sikur dikush zbulon se kush jam në të vërtetë?

Shpesh herë njerëzit e fshehin se kush janë në të vërtetë, se çfarë duan, apo se çfarë pëlqejnë nga frika se mos njerëzit e tjerë mund të mos e aprovojnë këtë. Realiteti është se jo të gjithë duan të bëhen milionerë apo CEO të një korporate të madhe. Disa njerëz janë të kënaqur të jetojnë me atë që jeta u ofron, janë të kënaqur të jetojnë një jetë pa ambicje. Duhet të kuptoni vlerat tuaja, duhet të jeni të vërtetë me veten tuaj dhe mos shqetësoheni se çfarë mendojnë të tjerët. Ndiqni pasionet dhe dëshirat tuaja.

Frika 2 – Frikë nga vendosja e qëllimeve

Nëse ju nuk përcaktoni qëllime, atëherë është e pamundur të krijohet një plan veprimi i fortë për të arritur atë që dëshironi të arrini. Pa një plan, ju po i mbani shpresat tuaja te fati dhe shpresa që të jeni me fat nuk është një strategji e zgjuar.

Frika 3 – Unë nuk kërkoj ndihmë

Ka një numër arsyesh pse njerëzit nuk kërkojnë ndihmë. Frika e refuzimit; ata nuk duan të paraqiten si “budallenj”; shqetësimi i tyre do të dëmtojë arritjen; ata nuk duan që njerëzit të dinë se po luftojnë. Realiteti është se shumë pak njerëz arrijnë sukses të madh pa mbështetjen dhe ndihmën e të tjerëve. Shpesh njerëzit janë të gatshëm për të ndihmuar nëse ua kërkoni. Ju ndoshta keni më shumë ndihmë në dispozicion se sa jeni të vetëdijshëm.

Frika 4 – Urrej të telefonoj njerëzit

Ky është padyshim një problem në qoftë se ju jeni të përfshirë me shitjet ose zhvillimin e biznesit. Ndërsa ju nuk mund të jeni duke bërë pitching për shitjet në telefon, ju mund të keni nevojë të telefononi klientët për të organizuar një takim që të diskutoni se si mund t’i ndihmoni.

Personalisht, i urrej telefonatat, sidomos ato telefonata të ftohta. Por duke lexuar librin e Mandie, unë e kuptova se urreja t’i shqetësoja njerëzit dhe t’u harxhoja kohën e tyre.

Duke përdorur një nga teknikat e Mandie, tani, para çdo thirrje, unë përqëndrohem në atë që klienti do të marrë nga thirrja telefonike, sesi klienti do të përfitojë. Duke bërë këtë heq frikën time dhe më ndihmon të filloj një bisedë reciprokisht të dobishme.

Frika 5 – Nuk dua të dukem si “idiot”

Fakti që jemi të suksesshëm shpesh mund të na kërkojë të shkojmë kundër rrjedhës, për të sfiduar mënyrën aktuale të të bërit të gjërave dhe të provojmë diçka ndryshe. Por në qoftë se ajo shkon keq, ajo mund të na çojë në tallje nga të tjerët.

Guxoni të jeni ndryshe. Kjo mund t’iu çojë në një sukses të madh!

Sa më shumë frikëra të kapërceni, më shumë sukses profesional dhe personal do të arrini. Nuk është e lehtë. Shumë frikëra janë të rrënjosura thellë. Por në qoftë se ne me vetëdije punojmë me to, mund të bëjmë përmirësime të mëdha.

burimi: inc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0