Femrat më të fuqishme ndajnë këshillat më të mira të karrierës - Business Magazine Albania

Femrat më të fuqishme ndajnë këshillat më të mira të karrierës


Femrat më të fuqishme, të cilat renditen sot në listat botërore, janë pjesë e korporatave më të mëdha në industri të ndryshme që përfshijnë teknologjinë, energjinë etj.

BusinessMag në këtë artikull ndan me ju këshillat që ato japin në mënyrë që edhe ju të ndiqni gjurmët e tyre.

Karen Lynch, presidente në Aetna:
“Kur po konsideronin që të merrja një pozicion më të lartë në kompani, më thanë se duhet të shmangia veshjen me ngjyrë rozë, sepse kjo më bënte të dukesha shumë ‘vajzërore’ … Në mënyrë indirekte, më thanë se feminiteti im ishte pengesë. Pavarësisht nga kjo, kam luftuar dhe kam marrë vendin e punës që më ka takuar. Që atëherë, të veshurit me rozë ka qenë pjesë e jetës sime.”

Leanne Caret, presidente dhe CEO e Mbrojtjes, Hapësirës dhe Sigurisë pranë Boeing:
“Pa marrë parasysh se ku shkoni, mos hiqni dorë nga personi që ju jeni.”

Kathleen Murphy, presidente pranë Fidelity Investments
“Vetëm veproni. Shumë shpesh, femrat kanë një boshllëk besimi që i bën ato të pushojnë dhe të ngadalësojnë ndërsa burrat ngjiten dhe mësojnë ndërsa veprojnë.

Susan Wojcicki, CEO, YouTube, Google / Alphabet:
“Flisni, mos kini frikë të thoni se çfarë keni në mendje dhe të kërkoni atë që doni.”

Cathy Engelbert, CEO, Deloitte:
“Ngrini dorën tuaj, merrni rreziqe dhe mos u trembni, kjo është një nga pengesat më të mëdha për suksesin.”

Mary Barra, kryetare dhe CEO, General Motors:
“Mos i ndërprisni shumë shpejt degët e karrierës. Mos u largoni nga karriera duke menduar që diçka e keqe mund të ndodhë.”

Sheryl Sandberg, COO, Facebook:
“Gjithmonë ndërmerrni sfida të reja – edhe nëse nuk jeni të sigurtë se jeni plotësisht të gatshëm për to.”

Ruth Porat, SVP dhe CFO, Google / Alphabet:
“Sigurohuni që jeni duke punuar për dikë që është i gatshëm të marrë rreziqe për ju, iu jep mundësi dhe është atje për t’ju mbështetur kur gjërat bëhen të vështira. Edhe ju bëni të njëjtën gjë për njerëzit e ekipit tuaj”.

Judith McKenna, EVP dhe COO, Walmart U.S .:
“Kurrë mos kini frikë të rekrutoni njerëz më të ndritshëm se sa ju dhe mos kini frikë të rekrutoni njerëz të ndryshëm nga ju. Kjo është ndonjëherë e vështirë për t’u bërë, por tepër e fuqishme nëse doni të krijoni një ekip që është me të vërtetë efektiv.”

Marianne Lake, CFO, J.P. Morgan Chase:
“Ju jeni po aq i mirë sa ekipi që ndërtoni, prandaj jini një magnet talentesh dhe rrethojeni veten me më të mirët dhe më të zgjuarit.”

Michele Buck, presidente dhe CEO, Hershey:
“Krijoni një jetë që funksionon për ju, mund të keni një karrierë të përkryer dhe të jeni një nënë të mrekullueshme, njëkohësisht.”

Amy Hood, EVP dhe CFO, Microsoft:
“Ju nuk do të keni të njëjtin plan brenda pak viteve që keni sot. Jeta dhe prioritetet ndryshojnë, po kështu do të ndryshojnë dhe zgjedhjet tuaja.”

burimi: BI

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0