Facebook prezanton produktin e tij më të ri, Portal


Facebook kohët e fundit ka prezantuar produktin e tij më të ri, të quajtur Portal. Portal është një pajisje për video-thirrje që funksionon në Facebook Messenger. Pajisja në thelb është një asistent virtual.

Portal është projektuar për të lehtësuar bisedat-video duke pasur një kamera me kënd të gjerë, i aftë për të identifikuar trupin tuaj, duke ndjekur atë ndërsa lëvizni nëpër dhomë. Kjo bën që biseda të zhvillohet më lehtësisht sesa mbajtja e telefonit në dorë. Facebook thotë se Portal është projektuar për të krijuar ndjenjën se po ndani dhomën me njerëzit me të cilët po flisni.

Lexoni: Pasojat e skandalit të Cambridge Analytica, 1 në 4 përdorues fshijnë aplikacionin Facebook

Me Portal, sapo biseda fillon kamera e pajisjes suaj do të gjejë automatikisht njerëzit në dhomë dhe do t’i mbajë ata brenda kornizës. Nëse personat janë të shumtë brenda dhomës, kamera do të përdorë një kënd të gjerë për t’i përshtatur të gjithë. Nëse ka vetëm një person, kamera do të zmadhohet për t’u përqëndruar në fytyrën e personit. Facebook thotë se kjo veçori i bën video-thirrjet më të natyrshme, pasi mund të flisni pa u shqetësuar për këndet e kamerës.

Përveç kësaj me anë të Portal ju mund të luani muzikë përmes Spotify dhe Pandora dhe të luani video përmes Facebook Watch. Alexa e Amazon është e integruar gjithashtu në hardware dhe në këtë mënyrë i shtohen edhe funksionet e saj.

Lexoni: Risia e Facebook, po sfidon dhe televizionet

Kjo lëvizje e Facebook vjen pikërisht pas skandalit në privatësinë e të dhënave, të cilin kompania po përpiqet që ta lëjë pas.

burimi: The Verge

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale