Europa "godet" Google me një gjobë prej 2.42 miliardë € - Business Magazine Albania

Europa “godet” Google me një gjobë prej 2.42 miliardë €


Rregullatorët e Bashkimit Europian i kanë vendosur një gjobë prej 2.42 miliardë eurosh Google-it pasi kanë zbuluar se gjigandi i internetit në SHBA kishte keqpërdorur fuqinë e tij të tregut për të favorizuar shërbimet e tij në rezultatet e kërkimit.

Komisioni Europian (KE) tha në një deklaratë se “praktikat ilegale” të Google kanë pasur një ndikim të rëndësishëm në konkurrencë dhe lejojnë shërbimet e Google të kenë fitime të konsiderueshme në kurriz të rivalëve të tij dhe në dëm të konsumatorëve europianë.

Lexoni: Me funksionalitetin e ri Google dëshiron t’ju ndihmojë të gjeni një punë

Google u akuzua gjithashtu për uljen e shërbimeve mes rivalëve në rezultatet e kërkimit, një praktikë e cila në fakt e ndihmoi atë të dominonte në tregun e përgjithshëm të kërkimit në internet në 30 nga 31 vendet e Zonës Ekonomike Europiane – Republika Çeke bënte një përjashtim.

“Mbizotërimi i tregut është jo ilegal sipas rregullave të antitrustit të BE”, tha KE. “Megjithatë, kompanitë dominante kanë një përgjegjësi të veçantë që të mos abuzojnë me pozicionin e tyre të fuqishëm të tregut duke kufizuar konkurrencën, qoftë në tregun ku ata janë dominues apo në tregje të ndara.”

Përveç rekordit prej 2.42 miliardë euro gjobë, Google duhet të përfundojë praktikat e saj anti-konkurruese brenda 90 ditëve ose do të përballet me dënime të mëtejshme deri në 5% të qarkullimit mesatar të përditshëm në mbarë botën të kompanisë së tij mëmë, Alfabeti.

Komisionerja Margrethe Vestager tha se Google ka dalë me shumë produkte dhe shërbime të reja, por strategjia e saj nuk ka të bëjë vetëm me përmirësimin e produktit.

“Në vend të kësaj, Google abuzoi me dominimin e tregut si një motorr kërkimi duke promovuar shërbimin e vet në rezultatet e kërkimit dhe duke ulur ato të konkurrentëve”, tha ajo.”

Ajo që Google ka bërë është e paligjshme sipas rregullave të antitrustit të BE-së. Google u mohoi kompanive të tjera mundësinë për të konkurruar me meritë dhe për t’u rritur. Më e rëndësishmja u mohoi konsumatorëve europianë një zgjedhje të mirëfilltë të shërbimeve.”

Lexoni: Pse Google po krijon një bllokues reklamash ndërkohë që është kompania më e madhe e reklamave në internet?

Google, i cili tha se mund të apelojë vendimin, u akuzua gjithashtu për abuzimin e pozitës së tij dominues në dy raste të tjera, të cilat ende janë duke u hetuar.

KE ka ardhur në një “përfundim paraprak” se Google ka përdorur sistemin operativ Android të tij për të frenuar zgjedhjen dhe inovacionin në një sërë aplikacionesh dhe shërbimesh mobile.

Së dyti, KE shprehu shqetësim pasi shërbimi i Google reduktoi zgjedhjen duke parandaluar faqet e internetit të palëve të treta për të siguruar reklama kërkimi nga konkurrentët e kompanisë

Duke komentuar për implikimet më të gjera të vendimit, korrespondenti i teknologjisë së BBC, Rory Cellan-Jones, tha: “Ky është një moment i madh në një përplasje mes BE dhe gjigandëve të teknologjisë amerikane, e cila ka vazhduar për më shumë se një dekadë.”

“Komisioni beson se është një goditje për konsumatorët dhe për firmat e vogla në një kohë kur reklamimi në internet – veçanërisht në telefonat mobile – dominohet nga Google dhe Facebook.

“Google beson se rregullatori ka një rast të dobët dhe nuk ka arritur të ofrojë dëshmi se konsumatorët ose rivalët janë dëmtuar.”

Në thelb, kjo shihet si një lëvizje politike dhe jo një të bazuar në ligjin e konkurrencës.

burimi: warc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0