Miliarderi i teknologjisë, Elon Musk, u zotua të hënën të ndalojë përdorimin e pajisjeve Apple në kompanitë e tij pasi prodhuesi i iPhone njoftoi një partneritet me OpenAI, krijuesin e ChatGPT.
“Nëse Apple integron OpenAI në nivelin e sistemit operativ, atëherë pajisjet Apple do të ndalohen në kompanitë e mia. Kjo është një shkelje e papranueshme e sigurisë,” tha Musk, pronari i platformës së mediave sociale X, sipas Telegrafit.
“Vizitorët do të duhet të kontrollojnë pajisjet e tyre Apple në hyrje, ku do të ruhen në një ‘kafaz’,” shtoi Musk, i cili është gjithashtu CEO i prodhuesit të automjeteve elektrike Tesla dhe prodhuesit të raketave SpaceX.
Deklaratat e tij erdhën pasi Apple njoftoi të hënën se po bashkëpunon me OpenAI për të integruar ChatGPT në asistentin zanor Siri.
Lexo: Raporti i StartupBlink: “Si Shqipëria po transformohet në një qendër inovacioni në Ballkan”
“Është krejtësisht absurde që Apple nuk është mjaftueshëm i zgjuar për të krijuar AI-n e vet,… Apple nuk e ka idenë se çfarë do të ndodhë në të vërtetë pasi t’i dorëzojë të dhënat tuaja OpenAI…”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
