Ekonomia rritet me 6.9%, tremujorin e tretë. Ndikojnë aktivitetet financiare, turizmi dhe industria nxjerrëse - Business Magazine Albania

Ekonomia rritet me 6.9%, tremujorin e tretë. Ndikojnë aktivitetet financiare, turizmi dhe industria nxjerrëse

Konfindustria

Ekonomia u rrit me 6.9% përgjatë tremujorit të tretë të vitit sipas Instat krahasuar me të njëjtën periudhë të 2020-ës, por duke ngadalësuar ritmin e rritjes në raport me tremujorin e dytë kur u zgjerua me 17.9%.

Rritja ekonomike këtë tremujor është udhëhequr nga aktivitetet financiare dhe të sigurimit që kanë parë një rritje dyshifrore prej 27.7% kundrejt të njëjtës periudhë të një viti më parë.

Ndikim në zgjerimin e ekonomisë këtë periudhë që përkon edhe me kulmin e sezonit turistik e ka dhënë turizmi me degët e lidhura me të tregtia, transporti, e hoteleria me 13.7% rritje, ndjekur nga taksat neto, ecuria pozitive e industrisë nxjerrëse dhe energjisë që janë rritur me 9.3%.

Në një pjesë tjetër kjo rritje ka ardhur edhe prej shpenzimeve për arsim e veçanërisht për shëndetësinë si pasojë e pandemisë Covid-19 duke dhënë një kontribut prej 6.8% më shumë se një vit më parë, për shkak të shpenzimeve të larta për shërbime shëndetësore.

Lexo edhe: FMN: rritja ekonomike në Shqipëri deri në 7.8%

Aktiviteti i pasurive të paluajtshme dhe ndërtimit nga ana tjetër vijojnë zgjerimin pasi janë rritur edhe këtë tremujor, edhe pse me ritme më të ngadalta se krahasuar me tremujorin paraardhës, ndikuar edhe nga procesi i rindërtimit.

Pas rënies në tremujorin e dytë, duket se bujqësia nga ana tjetër ka shfaqur shenja rikuperimi këtë periudhë duke shënuar një rritje të lehtë prej 0.2%.

Sa i takon konsumit final të popullatës, që përbën edhe peshën kryesor të shpenzimeve në ekonomi rezulton në rritje me 3.3%, teksa ai i qeverisë sipas të dhënave të Instat u zgjerua me 7.5% në fund të shtatorit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0