Edhe në kohë pandemie mund të shkëlqesh. Startup-i dhe Sipërmarrësi i vitit 2020 vijnë në numrin 25 të revistës - Business Magazine Albania

Edhe në kohë pandemie mund të shkëlqesh. Startup-i dhe Sipërmarrësi i vitit 2020 vijnë në numrin 25 të revistës

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Për t’u abonuar në versionin digjital, ose nëse do të blini revistën print kliko Këtu

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në fund të vitit të kaluar, për Startup-in dhe Sipërmarrësin e Vitit 2020. Altin Prenga dhe Altin Kadareja flasin për zgjedhjet e tyre inovative, përshtatjen dhe suksesin e siguruar në 2020.

Lexo: Si të rrisim produktivitetin në punë dhe në jetë

Gjatë vitit të kaluar u realizuan gjithësesi disa evente konkurruese siç ishte Elevator Lab, një kompeticion në mbështetje të zgjidhjeve teknologjike. IDEA është po ashtu në nxitje të ideve të reja të biznesit. Për të dy këto kemi sjellë edhe profilet e shkurtra të fituesve.

Specialja e kësaj radhe i kushtohet tregtisë online, e cila u zhvillua ndjeshëm, si për shkak të nxitjes së pandemisë, edhe për faktin se ishte në nivele embrionale para kësaj situate.

Një situatë e tillë rriti gjithashtu edhe potencialin e bashkëpunimit mes Fintech dhe sektorit të sigurimeve. Për këtë flasin përfaqësues të dy sektorëve.

Mes intervista risjellim drejtuesen e kopështit Princi i Lumtur, e cila përmes Dyqanit të Princit, po mëson fëmijët me rëndësinë e një model biznesi, i cili nis që në vogëli.

Rigerta Loku, është fermerja që studioi në universitetin “La Sapeinca” dhe sot po kandidon për deputete në parlament. Përmes intervistës, ajo tregon këndvështrimin e saj, zgjedhjet dhe si e mendon të ardhmen e familjes dhe vendit të saj.

Si shumë herë më parë, sërish vijon të frymëzojë Elon Musk. Ai është “GJENIU” i kohëve moderne dhe ne sjellim disa fakte kronologjike të jetës së tij.

Në këtë numër do të gjeni gjithashtu edhe profilin e sipërmarrësit dhe kompanisë IT, Denis Zoi, drejtuesi i kompanisë Techi.

Specialja tjetër i dedikohet edukimit online në Shqipëri, si një mënyrë e re edukimi.

Për t’u abonuar në versionin digjital, ose nëse do të blini revistën print kliko Këtu

Si mendoni?!

Më shumë se kurrë na nevojitet të dimë për menaxhimin e financave. Brunilda Isaj na ndihmon për menaxhimin e financave personale në kohë krize.

Shqiptaria nuk është vetëm brenda kufijve. Diaspora po merr një rol gjithnjë e më të rëndësishëm në zhvillimin e vendit. Anita Likmeta është një prej tyre. Ajo është shqiptarja në Itali, ndërsa italiania që e quan Shqipërinë “shtëpi” Manoela Lussi, na flet më shumë misionin e saj në Shqipëri dhe programin “Connect Albania”.

Një sipërmarrje sociale është ajo që po zhvillon Suela Koçibellinj. Gjatë pandemisë nismat e saj ndihmuan gratë e disa komuniteteve.

Ndërkohë revista mbyllet me një mesazh me vlera. Dy sipërmarrje në fushën e mobilerisë dhe prodhimit mediatik, sjellin përmes sportit një spot shpresëdhënës që uron të gjithë për një vit më të mirë.

Për t’u abonuar në versionin digjital, ose nëse do të blini revistën print kliko Këtu

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0