Turizimi, punësimi, sipërmarrjet, teknologjia dhe vetëzhvillimi janë vetëm disa nga temat që do të gjeni në numrin 32 të revistës Businessmag.al.
Pas pandemisë, të gjitha fushat e ekonomisë janë përballur me ndryshime, por turizmi është fusha më dinamike. Të huaj dhe vendas, kanë filluar t’u japin më shumë rëndësi pushimeve dhe kohës së kaluar me të dashurit e tyre, njohjes së vendeve dhe kulturave. Shqipëria, nga ana tjetër po njihet e pëlqehet edhe nga vende, të cilat kanë qenë të ngurta kur vjen fjala për emigracionin shqiptar, si Britania e Madhe.
Europa vijon të zbulojë vendin tonë, ndërkohë që artikuj të ndryshëm në mediat ndërkombëtare po e prezantojnë Shqipërisë si destinacion për t’u zbuluar.
Koncerte të rëndësishme të sheshet e kryeqytetit shqiptar kanë dhënë gjithashtu një shtysë në këtë drejtim. Promovimi i vendit është bërë nga artistë ndërkombëtarë, vendas dhe të huaj. E gjithë kjo ka bërë që bizneset e shërbimit të gjenden në një presion edhe më të lartë për sigurimin e kapaciteteve pritëse dhe sigurimin e shërbimit të duhur.
Sfidave të sezonalitetit dhe emigracionit ende të lartë, ato po u përgjigjen me një masë të re, si pritja e punëtorëve nga vende të huaja. Bangladeshi, Nepali e vende të tjera po e shohin Shqipërinë si destinacion. Agjensitë e rekrutimit po shohin opsionin e kontratave familjare të punës, si një mundësi për të shmangur objektivin e tyre për ta parë Shqipërinë si tranzit.
Mes mundësisë (interesit të shtuar të turistëve) dhe sfidave (mungesës së punonjësve) një rol kyç kanë sipërmarrësit e këtij sektori, të cilët shpresohet ta kapin këtë mundësi, për bizneset e tyre, por edhe për ekonominë e vendit.
Në këtë numër flasim gjithashtu rreth trendeve të teknologjisë, sfidave dhe mundësive të përdorimit të ChatGPT.
Sipërmarrës të ndryshëm vijnë përmes intervistave me historitë e tyre personale, të cilat presim t’ju frymëzojnë dhe t’ju japin forcë drejt suksesit tuaj në karrierë ose si sipërmarrës.
Shkarkoni Këtu numrin e ri të revistës, lexoni online ose porosisni kopjen tuaj print.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
