E vetmja gjë që liderët nuk e bëjnë asnjëherë


Prania gjithnjë në rritje e punonjësve të ditur (njerëz që dinë më shumë se shefi i tyre për atë që ata janë duke bërë) paraqet sfida për liderët e sotëm për t’i trajtuar ata si duhet.

Sfida kryesore është: “Si mund t’i ndihmoni anëtarët e ekipit për të arritur qëllimet e tyre kur ju, si një udhëheqës, nuk jeni ekspert në këtë fushë?”

E vetmja gjë që liderët nuk e bëjnë është të shtiren sikur janë ekspertë! Kjo është diçka e dëmshme në shumë mënyra. Ja një shembull:

Nëse dikush vjen te ju me një ide dhe në vend që të thoni është një ide e mirë, ju përgjigjeni, “Pse nuk i shton dhe këtë?” apo “Pse nuk bën këtë?” duke marr kështu pronësinë e idesë. Shtesat tuaja bëjnë që ajo mos të jetë më ideja e personit fillestar.

Ju duhet ta shihni lidershipin sipas dëshirave dhe nevojave të punonjësve. Ja se si duhet t’i menaxhoni punonjësit e ditur.

1. Tregoni pasion

Duke punuar 40 orë në javë dhe me 4-5 javë pushime kjo do të thotë që njerëzit zakonisht të fokusohen më pak dhe ta duan më pak atë që bëjnë. Sot shumë profesionistë punojnë me orë të zgjatura dhe është thelbësore që ata t’a duan punën e tyre. Ata që drejtohen nga shembujt dhe shfaqin pasion në punën e tyre e bëjnë më të lehtë për ndjekësit e tyre të tregojnë të njëjtin pasion dhe dëshirë për të punuar.

2. Vlerësoni kohën

Në ditët e sotme njerëzit kanë shumë pak kohë dhe kjo do të thotë se vlera e kësaj kohe është rritur.

Liderët që shpenzojnë kohën e nënpunësve nuk po veprojnë siç duhet. Liderët mund të jenë më të suksesshëm nëse i mbrojnë njerëzit nga gjërat të cilat i dekurajojnë pasionet dhe nuk rrisin aftësitë e tyre.

3. Ndërtoni rrjete

Sot, siguria e punës vjen si rezultat i aftësive, pasionit dhe një lidhjeve të shumta. Liderët të cilët i mundësojnë njerëzve të krijojnë lidhje të forta si brenda ashtu dhe jashtë kompanisë fitojnë besimin e punonjësve të tyre. Këto rrjete profesionale i lejojnë njerëzit të zgjerojnë dijet e tyre dhe këtë dije t’a implementojnë në organizatën ku punojnë.

4. Përkrahni rritjen

Punonjësit më të mirë punojnë më shumë se për paratë. Ata duan të japin kontributin e tyre dhe të rriten profesionalisht në fushën e tyre. Liderët të cilët i pyesin nënpunësit e tyre, “Çfarë mund të bëj kompania jonë që ti të rritesh profesionalisht dhe të arrish qëllimet e tua?” do të përfitojnë 10-fish.

5. Zgjeroni lumturinë dhe kuptimin

Askush nuk do të punoj në një punë të pakuptimtë që i bën ata të palumtur. Liderët duhet t’i tregojnë punonjësve të tyre se si kompania mund t’i ndihmoj ata të japin një kontribut të rëndësishëm për botën dhe të ndihen të vlerësuar që po bëjnë diçka të cilën ata e kanë pasion.

Të menaxhosh punonjësit e ditur është një punë sfiduese por edhe shpërblyese. Duke vlerësuar dhe inkurajuar dedikimin, kohën dhe eksperiencën e punonjësve, liderët ndihmojnë jo vetëm në formimin e së ardhmes së tyre por edhe atë të kompanisë.

/CNBC

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale