E ardhmja e punës, jo më diplomat e universiteteve, por aftësitë e fituara - Business Magazine Albania

E ardhmja e punës, jo më diplomat e universiteteve, por aftësitë e fituara


Mijëra studentë nisin universitetin çdo vit dhe ndoshta ajo që vihet re është se: Shumica dërrmuese e tyre marrin borxhe, shumë borxhe.

Ajo që rrit pasiguritë është nëse diplomat e tyre do t’i shpërblejnë ata në fund apo jo.

Sipas sondazhit Freelancing në Amerikë 2018, të publikuar kohët e fundit, freelancers i japin më shumë vlerë trajnimeve për aftësitë e tyre: 93% e tyre që kishin një diplomë universiteti 4-vjeçare thanë se trajnimet për aftësitë ishin shumë më të dobishme se vetëm 79% që thonë se arsimimi i tyre ishte i dobishëm për punën që ata bëjnë tani. Përveç kësaj, 70% e freelancers me kohë të plotë morën pjesë në trajnime për aftësitë e tyre gjatë 6 muajve të fundit krahasuar me vetëm 49% që nuk janë freelancers, por që punojnë me kohë të plotë.

Anketa e pestë vjetore, e realizuar nga firma kërkimore Edelman Intelligence në bashkëpunim me Upwork dhe Unioni Freelancers, anketuan 6,001 punonjës.

Lexoni: Nuk keni një diplomë universiteti? Kompani si Apple, IBM dhe Google nuk kërkojnë më një të tillë

Të dhënat e reja tregojnë diçka shumë më të madhe. Ndryshimi i shpejtë teknologjik, i kombinuar me rritjen e kostove të arsimit, e ka bërë sistemin tradicional të arsimit të lartë një rrugë gjithnjë e më anakronike dhe me risk. Kostoja për të bërë universitet është kaq e lartë tani që kemi arritur një pikë në të cilën borxhi i shkaktuar shpesh nuk tejkalon potencialin e ardhshëm të të ardhurave.

Megjithatë shpesh, diplomat ende konsiderohen si dokumente të përjetshme të kompetencës profesionale. Ato tentojnë të krijojnë një ndjenjë të rreme sigurie, duke përjetësuar iluzionin se puna dhe njohuritë që kërkohen janë statike. Epo kjo nuk është e vërtetë.

Për shembull, një raport i Forumit Ekonomik Botëror i vitit 2016 zbuloi se “në shumë industri dhe vende, profesionet më të kërkuara ose specialitetet nuk ekzistonin 10 apo edhe pesë vjet më parë dhe ritmi i ndryshimit po përshpejtohet.” Dhe të dhënat e fundit nga Upwork konfirmojnë këtë përshpejtim. Të dhënat e fundit kanë zbuluar se “70% e aftësive janë të reja në këtë studim.”

Pritet që ndryshimi të vazhdojë të vijë. WEF citon se është zbulua që 65% e fëmijëve që hyjnë në shkollën fillore do të përfundojnë në një punë që ende nuk ekziston. Prandaj, është e domosdoshme që ne të inkurajojmë më shumë mundësi se diplomat e universitetit si dëshmi e aftësisë. Ne kemi nevojë për rrugë të reja drejt suksesit dhe shpresës.

Opsionet e reja të arsimit jo-tradicional

E ardhmja e punës nuk do të jetë rreth diplomave. Gjithnjë e më shumë, do të jetë në lidhje me aftësitë që posedojmë. Dhe asnjë shkollë nuk do të mund të na izolojë nga përparimi teknologjik dhe inovacioni. Sot profesione të lidhura me teknologjinë nuk po kërkojnë më diploma, por po shikojnë aftësitë, se sa mirë kodojnë apo sa inteligjentë janë në zgjidhjet e problemeve individët që merren në punë.

Lexoni: Punët më të paguara që nuk kërkojnë një diplomë universiteti

Freelancers, segmenti më i shpejtë në rritje i fuqisë punëtore, kuptojnë se edukimi nuk ndalet kurrë, është një proces i përjetshëm, por nuk janë vetëm diplomat universitare që e ofrojnë këtë.

Gjithnjë e më shumë, kompanitë po kapen pas saj. Vitin e kaluar PwC filloi një program pilot që lejon të diplomuarit e shkollave të mesme të fillojnë punë si kontabilistë dhe konsulentë për menaxhimin e riskut. Dhe në Gusht, Glassdoor renditi “15 kompani të tjera që nuk kërkojnë më një diplomë”, duke përfshirë gjigandët e teknologjisë siç janë Apple, IBM dhe Google. “Gjithnjë e më shumë,” raportoi Glassdoor, “ka shumë kompani që ofrojnë punë të paguara mirë për ata me arsim jo-tradicional ose një diplomë të shkollës së mesme.”

Opsionet e reja jo-tradicionale të edukimit po përhapen. Shpesh punëdhënësit fokusohen në aftësitë e individëve. Studentët tani mund të regjistrohen në institucione të bazuara në projekte ose programe online si e-learning.

Ideja këtu nuk është se universiteti është humbje kohe dhe parash për të gjithë, por ekziston diçka: E ardhmja e punës nuk do të jetë e fokusuar tek diplomat. Gjithnjë e më shumë, do të jetë në lidhje me aftësitë. Dhe asnjë shkollë nuk mund të na izolojë nga përparimi teknologjik dhe inovacioni.

Por një gjë është e sigurtë: Segmenti më i shpejtë në rritje i fuqisë punëtore – freelancers – kanë kuptuar se edukimi nuk ndalet asnjëherë. Është një proces i përjetshëm. Diplomë ose jo, është një mendësi e vlefshme për t’u përqafuar.

/CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0