Dokumentat që nevojiten për t’u pajisur me Certifikatën e Rezidentit Tatimor dhe shmangien e Taksimit të Dyfishtë

Dokumentat që nevojiten për t’u pajisur me Certifikatën e Rezidentit Tatimor dhe shmangien e Taksimit të Dyfishtë


Tatimpaguesit dhe individët për t’u pajisur me çertifikatë rezidenti tatimor, vërtetim për pagesën e Tatimit të Mbajtur në Burim për të ardhurat që jo-rezidentët kanë përfituar me burim në Republikën e Shqipërisë si dhe për të aplikuar për shmangien e taksimit të dyfishtë, kërkesën e tyre me shkrim duhet ta depozitojnë në Drejtorinë e Përgjithshme të Tatimeve, Drejtoria e Marrëdhënieve dhe Koordinimit Ndërinstitucional.

Lexoni: Biznesi i madh, ja cilat janë përgjegjësitë dhe detyrat pas regjistrimit

I) Çertifikatë Rezidenti Tatimor

Dokumentacioni që kërkohet për t’u pajisur me çertifikatë rezidenti tatimor për:

1) Tatimpaguesin:

  • Kërkesa me shkrim, ku specifikohet viti, shteti dhe arsyeja për të cilën kërkohet çertifikata.

2) Individin:

  • Kërkesa me shkrim, ku specifikohet viti, shteti dhe arsyeja për të cilën kërkohet çertifikata;
  • Vërtetim i banesës së përhershme (kopje e aktit të pronësisë së banesës, kopje e kontratës së qerasë ose vërtetim banese nga njësia administrative ku banon);
  • Qëndra e interesave jetike (interesat personale dhe ekonomike). Personi vetdeklaron në lidhje me interesat e tij jetike dhe i bashkëlidh kërkesës një kopje të dokumentacionit që provon deklarimin e tij. Nëse personi është shtetas i huaj, por rezident për qëllime tatimore në Shqipëri, ai deklaron se interesat e tij familjare janë të lidhura me Shqipërinë, pasi familja e tij jeton në Shqipëri dhe ai punon në Shqipëri (ka biznes apo është i punësuar).
  • Kohëqëndrimi në Republikën e Shqipërisë (shkresë nga D.P.P.SH, me të dhënat e hyrje-daljeve kufitare nga sistemi TIMS).

II) Vërtetim për shmangien e Taksimit të Dyfishtë

Për të aplikuar për shmangien e taksimit të dyfishtë kërkohet të paraqitet dokumentacioni si mëposhtë:

  • Kërkesë me shkrim;
  • Formulari i aplikimit të marrëveshjes (origjinal, i nënshkruar nga përfituesi i të ardhurave dhe autoriteti tatimor ku ai është rezident);
  • Fotokopje e faturave;
  • Kopje e njehsuar me origjinalin në shqip e kontratës ndërmjet dy palëve.

Nuk është e detyrueshme depozitimi i kontratës, nëse ajo është depozituar më parë në Drejtorinë e Përgjithshme të Tatimeve. Në këtë rast tatimpaguesi informon për referencat e shkresës së depozituar në Drejtorinë e Përgjithshme të Tatimeve.

Lexoni: Ja cilat janë procedurat për të regjistruar një biznes

Nëse nuk ka kontratë ndërmjet palëve, tatimpaguesi duhet të informojë në kërkesën e tij rreth fakteve të mëposhtme:

  • Lloji i shërbimit të ofruar;
  • Kohëzgjatja e këtij shërbimi;
  • Mënyra e ofrimit të shërbimit (online, on site);
  • Nëse për ofrimin e shërbimit ka prezencë fizike në territorin e Republikës së Shqipërisë, të përcaktohet saktësisht kjo e fundit;
  • Të ndahen pagesat për të drejtat e përdorimit, markat tregtare, liçencat etj në furnizimet e përziera (shërbim dhe pagesa për honorare).

 III) Vërtetim për pagesën e Tatimit të Mbajtur në Burim për të ardhurat që jo-rezidentët kanë përfituar me burim në Republikën e Shqipërisë

Dokumentacioni i kërkuar për t’u pajisur me vërtetim për pagesën e Tatimit të Mbajtur në Burim është:

➢ Kërkesë me shkrim, ku të specifikohet:

  • Emri dhe Nipt-i i tatimpaguesit që ka mbajtur tatimin në burim;
  • Tatimpaguesi jo-rezident, numri i tij i identifikimit për qëllime tatimore, rezidenca;
  • Vlera e faturave të lëshuara, periudha për të cilën janë lëshuar këto fatura si dhe Tatimi i Mbajtur në Burim.

Lexoni: Si të regjistroni një biznes të vogël? Publikohen procedurat

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0