Disa mënyra për të drejtuar dhe motivuar ekipin tuaj


Duke u fokusuar vetëm në qëllimet tuaja personale nuk do të krijoni një ekip të mirë dhe nuk do të ndihmoni markën tuaj të rritet.

Ju jeni aq i mirë sa është ekipi juaj. Është puna juaj si një udhëheqës për të vendosur ekuilibrin, për të frymëzuar dhe motivuar ekipin tuaj për të arritur madhështinë.

Lexoni: Përtej shpërblimeve dhe përfitimeve: Çfarë e bën një kompani vërtet të mirë?

BusinessMag në këtë artikull ju sjell disa këshilla që do ju ndihmojnë ta realizoni këtë:

Zbuloni se çfarë u nevojitet atyre

E vetmja mënyrë që të kuptoni se për çfarë ka nevojë ekipi juaj nga ju në mënyrë që të jeni më i suksesshëm është t’i dëgjoni ata. Ndonjëherë thjesht të dëgjuarit mund t’ju ndihmojë të identifikoni mënyrat për të siguruar atë që është e nevojshme.

Tregoni respekt

Çmimet dhe mirënjohja janë gjëra të mëdha dhe disa punonjës ushqehen me këto. Por, ekipi juaj do të performojë shumë më mirë kur ata e dinë se kanë respektin tuaj. Tregoni respekt për punën dhe përkushtimin e tyre. Kjo do të krijojë një ekip shumë më produktiv.

Ndaloni mikromenaxhimin

Një lider i vërtetë do të tërhiqet dhe do të lejojë ekipin e tij të bëjë punën pa u ndalur mbi shpatullat e tyre. Nëse keni marrë vendimin e duhur për punësimin e tyre, atëherë duhet t’u besoni anëtarëve të ekipit tuaj për ta realizuar punën siç duhet. Nuk ka nevojë për mikromenaxhim. Nëse keni bërë zgjedhjen e gabuar ju duhet të merrni përgjegjësinë dhe ta korrigjoni atë.

Tregoni emocione

Askush nuk dëshiron të udhëhiqet nga një robot pa emocione. Le të shkëlqejnë ndjenjat tuaja – buzëqeshni, qeshni dhe argëtohuni me ekipin tuaj. Edhe detyra më rutinë mund të shihet me vlerë kur ne jemi në gjendje të mirë. Emocionet pozitive gjithashtu inkurajojnë zgjidhjen e problemeve.

Ndihmoni punonjësit të arrijnë potencialin e tyre

Nëse nuk e nxisni ekipin tuaj të zhvillohet, ata do të mbeten në vend. Sigurisht, puna do të bëhet, por mos prisni të përjetoni rritje pa inkurajuar ata që të veprojnë jashtë zonës së tyre të rehatisë. Ju dëshironi të arrini përsosmërinë dhe jo mediokritetin, apo jo?

Pranoni kur nuk e keni përgjigjen

Ju nuk do të keni përgjigje për çdo gjë dhe kjo është plotësisht në rregull. Në vend që të pretendoni të keni përgjigjen, përdoreni atë si një mundësi për të demonstruar zgjidhje efektive të problemeve në ekipin tuaj.

Lexoni: 7 mënyra se si liderët e mëdhenj inspirojnë ekipet e tyre

Zhvilloni liderë të ardhshëm

Ndërsa marka juaj rritet, do t’ju nevojiten liderë shtesë për t’u rritur. Jepini çdo anëtari të ekipit tuaj aftësinë për të lëvizur në ato pozicione, duke i fuqizuar ata të marrin vendime.

Inkurajoni rritjen personale

Liderët e suksesshëm inkurajojnë rritjen personale dhe këshillojnë ekipin e tyre. Jepuni anëtarëve të ekipit tuaj libra rreth suksesit dhe biznesit për t’i lexuar dhe për t’i inkurajuar ata të marrin pjesë në eventet e rrjeteve të biznesit. Jepuni sugjerime që do të pasurojnë zhvillimin e tyre personal përtej organizatës suaj.

Jini kureshtarë

Si do ta kuptoni nëse ekipi juaj është i lumtur nëse nuk i pyesni ata? Si do ta kuptoni nëse ekipi juaj ka sugjerime që do të ishin në dobi të kompanisë nëse nuk i pyesni ata? Duke bërë këtë ju jep informacion të vlefshëm dhe gjithashtu i jep ekipit tuaj besimin për të ndjekur shembullin tuaj dhe të bëjnë pyetje gjithashtu.

Jini fleksibël

Jo çdo person në ekipin tuaj do të ketë personalitet të njëjtë. Ju duhet të jeni fleksibël në mënyrën se si udhëheqni secilin individ. Disa do të kërkojnë një mbështetje më të madhe se të tjerët, ndërsa disa do të shkëlqejnë kur u jepet më shumë pavarësi.

Lexoni: 6 arsye befasuese pse menaxherët e rinj kanë performancë më të mirë se menaxherët me përvojë

Njihuni me ekipin tuaj

Kur jeni me ekipin tuaj sigurohuni që të kaloni pak kohë për t’u njohur me ta. Ju do të keni një skuadër shumë më produktive në qoftë se ata e dinë që me të vërtetë kujdeseni për ata dhe keni qëllimin më të mirë në mendje.

Jini transparent

Një lider transparent jo vetëm që lejon ekipin e tij të shohë se kush janë ata. Transparenca çon në zgjidhjen më të mirë të problemeve dhe vendosjen e një niveli më të fortë besimi midis kolegëve.

burimi: Entrepreneur

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale