Revista Dhjetor 2016 - "DON'T BE AFRAID OF NEW ARENAS" - Business Magazine Albania

Revista Dhjetor 2016 – “DON’T BE AFRAID OF NEW ARENAS”


Siç mund ta keni vënë re, që nga Tetori atmosfera e biznesit dhe sipërmarrjes ka qenë e nxehtë. Aktivitete startup-esh, takime me menaxherë produkti, kompeticione idesh, samite, konferenca dixhitale të marketingut apo inovacionit kanë qenë fjalë kyçe dhe pika takimi për shumë prej nesh.

Në këtë numër të 12 të revistës ne ju kemi sjellë përvoja aktuale nga njerëz që po bëjnë sukses me sipërmarrjet e tyre duke sjellë risi dhe duke u përpjekur të përmirësojnë jetët e njerëzve. Disa prej tyre janë mes nesh, si rasti i Valer Pinder-it që pas suksesit me Dyqan Taxi, tashmë po synon të sjellë librin Online.

Disa të tjerë po synojnë të ndërtojnë platforma që menaxhojnë sisteme hotelesh në tregjet amerikane, siç po bën Albi Zhulali me SoftMogul. Asgje nuk është e pamundur, nëse ke vullnetin për të ndjekur ëndrrat e tua dhe mendësinë prej sipërmarrësi. Këtë na e konfirmoi, Edi Demaj, sipërmarrësi shqiptar në Detroit, i ftuar special i Startup Grind Tirana – në një intervistë ekskluzive për BusinessMag.

Dhe nëse ju kërkoni më shumë frymëzim, se si mund të ndryshoni Botën, lexoni trajtimin e një personazhi si Elon Musk, i cili është në mision për të ndryshuar realitetin ku jetojmë.

Përveç këtyre kemi sjell edhe mësime të rëndësishme nga Amancio Ortega, themeluesi i Zara apo 10 sipërmarrës të famshëm të cilët kanë dështuar para se të bëheshin të suksesshëm për t’ju treguar se të gjithë kanë pësuar dështim dhe e kanë përdorur për motivim të mëtejshëm dhe nuk janë ndalur.

E nëse nuk keni informacion se çfarë janë çertifikimet ISO, ju ftojmë të lexoni në brendësi të revistës për të mësuar më shumë për to.

Si gjithmonë, shkarkojeni revistën në pajisjet tuaja dhe ndajeni me miqtë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0