Stacioni F është kampusi i vetëm i startup-eve që mbledh së bashku një ekosistem të tërë sipërmarrësish nën një çati, i mbështetur nga Xavier Niel. Tashmë Dentem do të bëhet pjesë e saj.
Në një postim në blogun e tyre, ata shprehen: “Ne përpiqemi dhe luftojmë që të jemi inovator, prandaj do të jemi në Francë, në mënyrë që të ndjekim ambiciet tona dhe të bëjmë platformën tonë më të mire”.
“Pas ndërtimit të platformës nga e para në një kohë të shkurtër, tani po futemi në territore të paeksploruara. Fokusi ynë kryesor për të ardhmen nuk do të jetë vetëm lidhja, por do të zgjerohet në inteligjencën artificiale (AI) me chat-et inteligjente dhe integrim të teknologjisë sonë në mediume të reja. Me teknologjitë Machine Learning* dhe Image Processing*, ne do t’i bëjmë më të lehtë jetën dentistëve. Pra, ne do të përqendrohemi më shumë në realitetin virtual dhe të shtuar me teknologji të reja që do t’u mundësojnë brezave të rinj të arrijnë më shumë, duke shpenzuar më pak kohë,” thuhet në blog.
Machine Learning* – është nënfushë e shkencës kompjuterike që, sipas Arthur Samuel në vitin 1959, i jep “kompjuterëve aftësinë për të mësuar pa u programuar në mënyrë eksplicite”.
Image Processing* – analiza dhe manipulimi i një imazhi të dixhitalizuar, veçanërisht për të përmirësuar cilësinë e tij.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English