COVID-19, Rimbyllen plazhet evropiane për shkak të mbipopullimit

COVID-19, Rimbyllen plazhet evropiane për shkak të mbipopullimit

Rimbyllen plazhet

Rritja e numrit të turistëve në plazhe, në Evropën veriore pas lehtësimit të masave kufizuese dhe rritjes së temperaturave, ka alarmuar zyrtarët dhe ekspertët.

Tri qytete në Francën veriperëndimore rimbyllën plazhet e tyre për shkak të dështimit të respektimit të masave të sigurisë dhe mosrespektimin të distancimit social.

Autoritetet franceze rihapën qindra plazhe fundjavën e kaluar për vrapim, not dhe peshkim, por jo për të qëndruar me orë të zgjatura në bregdet.

Prefektura e Morbihan, në Britani, tha se plazhet në pesë bashki ishin mbyllur për shkak të “sjelljes së papranueshme” nga vizitorët ditët e fundit, veçanërisht sa i përket mosrespektimit të distancës sociale.

Disa komuna në Holandë ndërkohë, u bënë thirrje turistëve gjermanë që të mos e kalojnë kufirin për udhëtim gjatë festës publike të Ditës së Ngjitjes së Jezusit në qiell.

Lexoni: OKB nis fushatën kundër deziformimit lidhur me COVID-19

Numri i rasteve të konfirmuara të COVID-19 në të gjithë botën, tani ka kaluar shifrën pesë milionë, por numri i infeksioneve të reja ka rënë në pjesën më të madhe të Evropës. Në Evropë janë raportuar 1.74 milionë raste dhe mbi 164,000  viktima, ku shumicën e fataliteteve e kanë Mbretëria e Bashkuar, Italia, Franca, Spanja dhe Belgjika.

Organizata Botërore e Shëndetësisë (OBSH) ka paralajmëruar se ka “ende një rrugë të gjatë për të përshkuar në këtë pandemi”, dhe iu bëri thirrje njerëzve në vendet ku kufizimet po lehtësohen, për të vazhduar të përshtatin sjelljen e tyre për të minimizuar transmetimin e COVID-19.

BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0