Studiuesit italianë po shikojnë se Covid 19 po humbet fuqinë. Ekspertët e universitetit Bio-Medico në Romë, thanë se virusi evoluon, por humbet forcën e infektimit dhe me gjasa edhe vdekshmërinë.
Kjo u theksua në një audicion para Senati. Massimo Cikozi përfaqësues i këtij universiteti tha se virusi ka ardhur nga dy drejtime: Kina dhe Evropa. “Po vëmë re se virusi po e humbet fuqinë. Po vazhdon të ndryshojë, por po bën mutacione që për të nuk janë më të dobishme”, tha ai. Numpri i personave në terapi intensive është ulur ndjeshëm dhe kjo është një shenjë e fortë sipas shkencëtarëve për humbjen e fuqisë së virusit.
Ekspertët nuk e dinë se sa do të zgjasë kjo situate, por thonë se i nxehti mund të jetë armik i virusit.
Këtë mendim e përforcon edhe Masimo Klementi, drejtor i Laboratorit të Mikrobiologjisë dhe Virologjisë në San Raffaele në Milano. Sipas tij, “Ka shumë gjasa që ardhja e të nxehtit mund të ndikojë në nivelin e agresivitetit të virusit”.
Megjithëse ata theksojnë se pa një vaksinë, virusi nuk mund të ndalet. Në rastin e fruthit, të shkaktuar nga një virus shumë ngjitës, ashtu sic është edhe Sars Cov 2, duhet që në një komunitet 95 përqind e banorëve të jenë imunë, në mënyrë që të jetë e mbrojtur edhe 5 përqindëshi tjetër (imuniteti i tufës).
Në rastin e koronavirusit të ri, nuk dihet se sa efikasë janë antitrupat, ndaj nevojiten të dhëna të mëtejshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
