Coca-Cola është thirrur në polici për t’u hetuar se si mbetjet njerëzore u shfaqën në një ngarkesë të kanaçeve boshe që ishin nisur për përdorim në një nga fabrikat e kompanisë në Irlandën e Veriut.Shërbimi Policor i Irlandës së Veriut konfirmoi të martën se kishte hapur një hetim se si kishin përfunduar këto mbetje njerëzore në kanaçet në fabrikën e Helllenic Bottling Company në Lisburn.
Gjiganti i pijeve joalkolike insiston se problemi është identifikuar menjëherë dhe të gjitha kanaçet e prekura u konfiskuan dhe ndotja nuk preku asnjë produkt që ishte në shitje.
Kanaçet arritën të mbylleshin në fabrikë, para se të shiteshin në të gjithë Irlandën e Veriut.
Në një deklaratë, kompania tha për Belfast Telegraph se: “Coca-Cola e merr sigurinë dhe cilësinë e produkteve të saj shumë seriozisht.”
“Ne jemi të vetëdijshëm për këtë incident që përfshin kanaçet bosh në fabrikën tonë në Knockmore Hill, Lisburn. Ne jemi duke e trajtuar këtë çështje shumë seriozisht dhe po kryejnë një hetim të plotë në bashkëpunim me PSNI.”
Agjencia e Standardeve të Ushqimit tha se asnjë nga kanaçet e kontaminuara me mbetje njerëzore nuk kishte arritur në treg në Irlandën e Veriut. Ajo shtoi se: “Incidenti është subjekt i një hetimi të PSNI në bashkëpunim me njësinë e shëndetit mjedisor të Lisburn dhe këshillin e qytetit.”
burimi: theguardian.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
