Aktivistët pro Palestinës kritikojnë markën e njohur të veshjeve “Zara” për një fushatë publicitare që fyen viktimat e luftës në Gaza. Pas kritikave kompania e njohur ka hequr dorë nga vijimi i fushatës së reklamave.
Dyqanet e Zarës, në mbarë botën po përballen me protesta pro palestineze. Shkak u bë fushata reklamuese e makrës së njohur, imazhet në të cilën, ngjasonin me fotot e kufomave me qefine të bardha në Gaza.
Një nga fotot që ngjalli më shumë debate, ishte e një modelje që mbante një manikin të mbështjellë më të bardhë, foto që ngjason me atë të një nëne në Palestinë, që mbante në krah fëmijën e vrarë.
Një tjetër foto është një bust i shtrirë në dysheme dhe një modele që qëndronin mes mbeturinave nga kutitë e mallrave, për të cilat disa thanë se ngjanin me rrënojat e luftës dhe arkivole.
Disa aktivistë pro-Palestinës bënë thirrje për bojkot të Zara-s. Ata thonë se Zara ka përdorur shkatërrimet në Rripin e Gazës, ku janë vrarë mbi 18 mijë njerëz, shumica prej tyre gra dhe fëmijë.
Ndërkohë kompania e modës, u shpreh se fushata reklamuese ishte konceptuar që në korrik dhe fotot janë realizuar në shtator.
Megjithatë në faqen e Zarës në Instagram, me dhjetëra persona komentuan flamurin e Palestinës dhe shkruajtën se kjo fushatë ka qënë e qëllimshme.
Pas reagimit të ashpër, disa nga imazhet dukej se ishin fshirë nga rrjetet sociale të Zara-s, por mbetën në faqen e saj.
Kjo nuk është hera e parë që Zara përballet me akuza lidhur me konfliktin Izrael-Palestinë. Në tetor 2022, palestinezët nisën një fushatë bojkotimi pasi mbajtësi i ekskluzivitetit të Zara në Izrael shprehu mbështetje për partinë ekstremiste të Forcave Hebraike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
