Cila është kompania që ka kapur vlerën e 36 miliardë dollarëve në Shqipëri? - Business Magazine Albania

Cila është kompania që ka kapur vlerën e 36 miliardë dollarëve në Shqipëri?


Deutsche Telekom ka arritur nivelin më të lartë të vlerës së markës në historinë e saj si kompani, në shifrën prej 36.4 miliardë dollarë amerikanë. Sipas renditjes së raportit vjetor të Brand Finance për 500 markat më të vlerësuara në botë, kjo është një rritje prej 10% nga vlerësimi i vitit të kaluar. Këto rezultate bindëse e bëjnë Telekom markën më me vlerë në fushën e telekomunikacionit në Europë, e ndjekur nga Vodafone dhe Orange.

“Që nga rihyrja në treg në vitin 2008, marka Telekom ka shënuar rritje të vazhdueshme në vlerë, me një rritje impresionuese prej 309%”,- u shpreh drejtori i brandit i Deutsche Telekom, Hans-Christian Schwingen, duke vënë theksin në suksesin afatgjatë të strategjisë së markës të ndjekur nga kompania.

Deutsche Telekom është gjithashtu marka më me vlerë gjermane në botë pas BMW, e ndjekur nga Mercedes-Benz, VW dhe Siemens. Ndërkohë, gjiganti Google është marka më me vlerë në mbarë botën, pasuar nga Apple dhe Amazon.

Çdo vit, Brand Finance përcakton markat më me vlerë në botë. Sipas kompanisë angleze të konsulencës, renditja në krye e Deutsche Telekom reflekton qëndrueshmërinë e strategjisë së kësaj marke. Gjithashtu, kjo kompani telekomunikacioni vazhdoi me sukses zhvillimin pozitiv të biznesit vitin e kaluar, ndërkohë që ka bërë investime afatgjata për cilësinë e rrjetit, novacionin dhe shërbimin e klientit, të gjithë këta elementë që kanë krijuar bazat për rritjen në vlerën e kësaj marke.

Sipas vlerësimeve në bazë të segmenteve gjeografike të tregut, T-Mobile US ka vazhduar rritjen e vrullshme nga viti i kaluar duke u shndërruar në operatorin e tretë më të madh dhe me rritjen më të shpejtë në Shtetet e Bashkuara, thekson Brand Finance. Ndërsa në Gjermani, Deutsche Telekom ka performuar mjaft mirë, siç shihet nga rritja e përmirësuar e të ardhurave në tregun celular, përtej pritshmërive të kompanisë.

Shpjegimi i metodologjisë
Raporti Brand Finance Global 500 përpilon një renditje të 500 kompanive më të vlerësuara në botë sipas vlerës së markës. Kjo vlerë matet me dollarë amerikanë dhe data e vlerësimit është 1 janar, 2017. Vlerat e markave llogariten në bazë të pyetjes se cilat do të ishin tarifat e liçensimit që do të duhej të paguante një kompani nëse nuk e zotëronte këtë markë. Përveç vlerës së markës, për secilën nga 500 markat bëhet edhe një tjetër renditje e modeluar sipas shkallës së besimit dhe kjo vlerë përfaqëson një standard krahasues për fuqinë, rreziqet dhe potencialet e një marke, në krahasim me markat e rivalëve të saj.

burimi: blitz.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0