Çifti Obama po realizon 7 filma dhe seriale në Netflix


Ish-Presidenti Barak Obama dhe kompania e parë e produksionit e Michelle Obama, Higher Ground, publikuan në prill projektet për Netflix ku përfshihen seri të dokumentarëve dhe filma artistikë. Dhe tani e dimë kur do të dalë në premierë projekti i tyre i parë.

“Fabrika Amerikane”, një dokumentar që Netflix ia bleu në Festivalin e Filmit Sundance të këtij viti çiftit Obama, do të transmetohet për publikun më 21 gusht në mbarë botën dhe në kinematë e përzgjedhura të Amerikës, sipas Indiewire. Dokumentari bën fjalë për një miliarder kinez, i cili hap një fabrikë të re në grykën e një centrali të braktisur të General Motors në Ohaio.

Projektet e tjera përfshijnë një adaptim non-fiction të filmit “Moneyball” nga Michael Lewis, “Rreziku i pestë”; Një adaptim filmik i fituesit të çmimit Pulitzer David W. Blight “Frederick Douglass: Profeti i Lirisë”, “Bloom”, “Overlooked”,”Dëgjoni perimet tuaja dhe hani prindërit tuaj” dhe “Crip Camp”.

Higher Ground tha se projektet janë në faza të ndryshme të zhvillimit dhe do të transmetohen në vitet e ardhshme.

Çifti Obama bëri një marrëveshje shumëvjeçare me Netflix në maj të vitit të kaluar për të prodhuar shfaqje origjinale dhe filma. CNN raportoi se ishte një “marrëveshje e shtrenjtë me tetë shifra”.

“Barak dhe Michelle Obama janë ndër figurat më të respektuara dhe më të njohura në botë dhe janë të pozicionuar në mënyrë unike për të zbuluar dhe për të nxjerrë në pah tregimet e njerëzve të suksesshëm në komunitetet e tyre dhe që përpiqen të ndryshojnë botën”, kishte thënë Ted Sarandos, shefi i përmbajtjes në Netflix, në kohën kur u finalizua marrëveshja.

Drejtori Ekzekutiv i Netflix Reed Hastings ka qenë kritik ndaj Presidentit Donald Trump në të kaluarën dhe mbështeti Hillary Clinton gjatë zgjedhjeve të vitit 2016.

BInsider

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale