Në vetëm 5 fjalë, Roger Federer dha këshillën më të mirë për sipërmarrësit


Finalja e turneut të tenisit në Wimbledon për meshkuj, midis Roger Federer dhe Novak Djokovic, ishte një ndeshje klasike, ku fitues doli Djokoviç.

Mbresëlënëse dhe e rëndësishme për sipërmarrësit ishte sjellja e Federer me shaka pas ndeshjes, kur ai u intervistua në ekran nga prezantuesi i BBC dhe ish kampioni i Grand Slam, Sue Barker. Barker përshëndeti Federerin për punën e tij në një finale kaq të jashtëzakonshme.

Përgjigja e Federer?

“Do të përpiqem t’a harroj”.

Së pari, shumë qesharake. (Pesë orë lojë tenisi madhështore, rraskapitëse dhe tani ai është edhe një komedian)?

Së dyti, kushtojini vëmendje, sipërmarrës, sepse edhe ne duhet të “përpiqemi të harrojmë” gjithashtu.

Sidomos kur përjetojmë versionin tonë të një humbjeje: një shitje të humbur, një falimentim etj. Ato janë të gjitha mundësi për të mësuar, që sigurisht, ne dëshirojmë të kishin përfunduar ndryshe.

Natyrisht, një përvojë sfiduese është e vështirë të fshihet nga kujtesa juaj. Por, kjo nuk do të thotë që ne nuk duhet të përpiqemi, ose se nuk është e dobishme për ne që të përpiqemi.

Këtu janë tre arsye për t’u përpjekur të harrojmë:

Të menduarit për gabimet e kaluara është e njëjtë me përjetimin e tyre.

“Kthimi në të kaluarën i përsërit të gjitha ato emocione të njëjta – turp, pikëllim, zemërim – e të tjera”, thotë Erin Olivo PhD, një profesor asistent i psikologjisë mjekësore në Universitetin e Kolumbias. “Nga këndvështrimi i trurit tuaj, nuk ka dallim emocional në mes të përjetimit të ngjarjes negative dhe të menduarit rreth saj. Dhe kur këto emocione negative përsëriten në një mënyrë periodike, kjo shkakton stresin”.

Me fjalë të tjera, tentoni t’i eliminoni emocionet dhe ecni përpara në mënyrë që negativiteti rreth përvojës të jetë përpunuar siç duhet.

Emocionet e papërpunuara lënë gurë në kokën tuaj.

Njerëzit, të cilët janë të pakënaqur me punën e tyre dhe me zgjedhjet e karrierës nuk i përpunojnë siç duhet emocionet negative, thotë trajneri i karrierës J.T. O’Donnell. Kjo siç duket i shtyn ata të lidhin emocione të rënda me gjërat nga e kaluara e tyre, të cilat bëhen shkëmbinj në kujtesën e tyre.

Tingëllon e rëndë, apo jo? Kjo nuk mund të jetë metaforë më e bukur, por funksionon. Në vend të shkëmbinjve në kokën tënde, provo t’i përdorësh ato si gurë që ju ndihmojnë të ecni përpara.

Momenti i vetëm që keni është tani.

Kjo tingëllon jashtëzakonisht e thjeshtë por është një rikujtim i dobishëm çdo herë që e dëgjoj ose mendoj: i vetmi moment që mund të kontrollojmë është ai në të cilin jemi tani. Jo momentet në të kaluarën (dmth. gurët) dhe jo momentet në të ardhmen (pritshmëritë), por vetëm atë që është këtu tani.

INC

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale