miniEnergy, një nismë nga inxhinierët e rinj kosovarë - Business Magazine Albania

miniEnergy, një nismë nga inxhinierët e rinj kosovarë

miniEnergy

mE është e krijuar nga një ekip me aftësi të jashtëzakonshme pune, pjesë e të cilës janë tre inxhinierë të dalluar Endriti, Edoni dhe Artoni dhe tri vajza shumë punëtore- Mihanja, Natyra dhe Majlinda.

Minienergjia është një koncept i ri në botën e energjisë, si në Kosovë ashtu dhe në vendet rajonale. E gjitha filloi nga dëshira për ruajtjen e natyrës dhe të klimës, duke sjellur efiçiencen e energjisë dhe përdorimin e saj në mënyrë të duhur. Të gjithë jemi konsumues, mirëpo pak nga ne jemi dhe prodhues. Pikërisht kjo pikë e shtyu ekipin mbi dëshirën e ngritjes së Minienergjisë në botën e Inxhinierisë, energjisë dhe teknologjisë. “Ne shndërrojmë të gjithë instalimin elektrik në instalim digjital dhe të gjithë konsumuesit në prodhues. E kemi zhvilluar rrymën më tej. Ajo tashmë është digjitale”, thonë themeluesit e miniEnergi.

Me miniEnergy është e mundur të rrjetëzohet instalimi elektrik. Gjatë lancimit të kësaj platforme, grupi drejtues theksuan se, “Kjo teknologji e lehtë për t’u aplikuar, mundëson si asnjëherë më parë, menaxhimin e energjisë, sigurinë e përdoruesve dhe ndjenjën e mirë në shtëpi. Ky është vetëm fillimi i epokës, ku rryma elektrike dhe inteligjenca shkrihen dhe Ju vendosni vetë që nga fillimi se si do t´i shfrytëzoni këto mundësi. Në mënyrë opsionale mund të integrohet sistemi Smart Home sipas preferencës. Instalimi digjital – deri më tani i shtrenjtë dhe i zbatuar rrallë – bëhet me miniEnergy standard dhe normalitet: si në të kaluarën ngrohja nën dysheme ose dritarja dyfish e izoluar, dhe, edhe më vonë, drita elektrike e uji i ngrohtë”.

Një nga detyrat kryesore është përdorimi i aplikacioneve kuptimplote dhe frymëzuese për të ilustruar mundësitë e aplikimit digital dhe për të menduar dhe vepruar në mënyra të reja.

Tani që energjia elektrike është digjitale,  shtëpia bëhet një tërësi inteligjente, gjithmonë e udhëhequr nga nevojat e përdoruesve të saj.

Linjat ekzistuese 230V thjesht po rimodelohen me miniEnergy. Kjo do të thotë, se rinovimi është i mundur pa probleme, pra miniEnergy nuk është interesant vetëm për ndërtimet e reja.

miniEnergy mund të përdoret për të trajtuar energjinë më me vetëdije. Dhe operatorët e energjisë elektrike mund të përfshijnë çdo gjë në Smart Grid deri në pajisjen individuale elektrike, për të arritur një menaxhim efektiv të ngarkesave, nëse banorët janë dakord.

Kështu, shumë amvisa mund të përfitojnë nga çmimet më të ulëta të energjisë elektrike.

Lexo: Kosova do të ketë një revistë për Smart Home&IoT

Pra, miniEnergy është një start i mirë dhe potencial gjigant.

Atëherë t´i japim kuptim dhe eficiencë energjisë. Mundësitë janë shumë të mëdha: ka qindra miliona pajisje elektrike që ende nuk janë në rrjet.

Jo vetëm që ka kuptim racionalisht, që pas më shumë se 140 vjetësh, energjia elektrike më në fund është bërë inteligjente, por gjithashtu duhet të jetë një kënaqësi intuitive për të zbuluar dhe përdorur këtë mundësi: kjo vlen për zhvilluesit e aplikacioneve, prodhuesit e pajisjeve elektrike, operatorët e shërbimeve, shërbimet publike dhe përdoruesit. Si pionierë të përdorimit të gjallë të teknologjisë së re, jemi duke zhvilluar një aplikacion shumë tërheqës pë pajisjet mobile, si smartfoni, tableti, etj.

Instalimi digjital: një teknologji e thjeshtë, superiore pa ekspozim ndaj rrezatimit.

Deri më tani, zgjidhjet serioze për një shtëpi kanë qenë shumë komplekse, nuk mund të pajisen në mënyrë të arsyeshme dhe, mbi të gjitha, janë shoqëruar me vendosjen e mundimshme të një rrjeti shtesë linje në ndërtesë. Ato bazohen në të menduarit e vjetër në sistemet qendrore. Prandaj, ato shpesh pasqyrojnë mënyrën se si zhvilluesi i sistemit imagjinon sjelljen e përdoruesit dhe për këtë arsye nuk janë shumë intuitiv për t’u përdorur. Ato nuk janë një mundësi për individët privat, siç tregon interesi jashtëzakonisht i ulët.

miniEnergy: një standard me mundësi të pakufizuara në të ardhmen.

Shumë gjëra janë shumë të ndryshme në miniEnergy. Standardi i ri në instalimin elektrik është digjital. Ai rimodelon instalimin elektrik të të gjithë shtëpisë dhe, sipas kërkesës, gjithashtu ofron integrimin e sistemeve Smart Home.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0