Çfarë të bëni në një ditë me shi në Tiranë? » Business Magazine Albania – Media Dixhitale dedikuar Sipërmarrjes
Përditësuar së fundmi: 15/11/2018

Çfarë të bëni në një ditë me shi në Tiranë?

Share
nga Anerola Torollari
Nën 15, 2018
Studied at Faculty of Science, Content Editor Biznesi at Business Magazine
lexo me teper >

Moti në Tiranë mund të kalojë brenda një dite në të gjitha stinët, përfshirë edhe një tërmet. Por mos lejoni që kjo t’ju lërë pa vizituar apo eksploruar këtë qytet kaq të gjallë edhe nëse dielli nuk po shkëlqen.

Sigurohuni që të vishni këpucë shiu, të merrni me vete një ombrellë dhe të eksploroni rrugët kaotike të një prej gurëve më të çmuar dhe më pak të njohur të Europës. Shpesh herë madje dhe ne që jemi vendas nuk dimë çfarë të bëjmë në një ditë me shi në Tiranë, prandaj BusinessMag ju sjell disa opsione në artikullin e mëposhtëm.

Lexoni: Çfarë të bëni në Nëntor në Tiranë?

  1. Vizitoni Shtëpinë e Gjetheve

E vendosur në mes të Rrugës së Kavajës dhe zonës së Bllokut, Shtëpia e Gjetheve është një vend që duhet ta vizitoni në Tiranë. Një nga muzetë më të rinj të Tiranës, hyrja për të rriturit është 700 lekë dhe për fëmijët 300 lekë. Ndërtesa fillimisht ka qenë një klinikë, por më vonë u përdor si selia e Shërbimit Kombëtar të Inteligjencës për të spiunuar shqiptarët dhe u përdor gjithashtu nga Gestapo gjatë Luftës së Dytë Botërore. Pas përfundimit të luftës, ajo u rifitua nga qeveria shqiptare dhe u përdor si një zyrë sigurie. Brenda katër mureve të tij shtrihen një mori pëshpëritjesh dhe legjendash që u dedikohen njerëzve që vuajtën në duart e një regjimi brutal dhe kontrollues. Muzeu është i ndarë në 9 seksione dhe përbëhet nga gjithsej 31 dhoma. Sigurohuni që mos ta humbisni atë.

  1. Vizitoni Bunkart 1 dhe Bunkart 2

Përsëri, asnjë udhëtim në kryeqytetin shqiptar nuk është i plotë pa kuptuar problemet që njerëzit e saj kaluan jo shumë kohë më parë. Bunkart 1 dhe Bunkart 2 janë një seri pasazhesh dhe dhoma nëntokësore, të ndërtuara gjatë sundimit të Enver Hoxhës për të strehuar elitën politike në rast të luftës apo pushtimit që kishin frikë, por që kurrë nuk erdhi. Sot janë si një përkujtim për ata që kanë vdekur dhe që janë ende të zhdukur, si dhe anëtarët kryesorë të partisë. Ju mund të shikoni objekte autentike, filma të shkurtër, fotografi dhe shumë më tepër, por po ju lajmërojmë, është një përvojë emocionuese dhe prekëse.

  1. Kontrolloni një apo dy tregje

Tirana ka shumë tregje ku mund të blini rroba, sende tradicionale, ushqim dhe sende të tjera për çmime shumë të ulëta. Tregu im i preferuar është Tregu Industrial Lahi, i cili ndodhet në Rrugën Ferit Xhajko pranë Spitalit Universitar. Ju duhet të paktën disa orë për të lundruar në ato rrugica të ngushta dhe të jeni të përgatitur për çdo gjë që dëshironi të blini. Pavarësisht nëse jeni për sendet prej lëkure, sendet elektrike, objektet të punuara me dorë, një çantë Gucci imitim i vërtetë, apo fruta të thata, ky është vendi i duhur për të shkuar. Nëse shkoni me një mik, është mirë që të vendosni një vend takimi në fillim, sepse më besoni, ju do të humbisni!

Lexoni: Mural Fest Tirana, art dhe turizëm në Tiranë

  1. Merrni Dajtin Express

Ok, ndoshta ky mund të mos jetë në listën tuaj nëse fryn shumë erë, por nëse bie shi, shkoni dhe shijoni pamjen. Ky teleferik ju çon nga periferia e Tiranës, deri në majën e malit të Dajtit. Nga këtu mund të shikoni një nga restorantet e mrekullueshëm, ku ka ushqime të shijshme, të pini verë dhe më pas të jeni më pak të frikësuar gjatë rrugës. Është vetëm 20 minuta udhëtim dhe ka disa momente shumë të frikshme, por është një nga pamjet më të mrekullueshme në Tiranë. Ti duhet të jesh këtu.

  1. Shkoni dhe shijoni pak art

Galeria Kombëtare dhe Galeria Kalo janë të hapura çdo ditë, gjithë ditën dhe për një tarifë nominale, ku ju mund të eksploroni historinë e artit lokal. Vizitoni paraprakisht faqet e internetit të galerive në mënyrë që të shihni nëse ka ndonjë ekspozitë interesante në mënyrë që ju të dini se si t’i jepni përparësi kohës suaj. Tirana frymëzon stilin artistik dhe nëse jeni një artist apo krijues që kërkoni pak frymëzim, atëherë vizitimi i këtyre vendeve është i sigurtë që do të funksionojë për ju.

  1. Pini një kafe dhe shikoni botën të kalojë

Nëse jetoni në Tiranë ju tashmë keni mësuar të ngadalësoni dhe të lëvizni me një ritëm më të ngadaltë. Po bie shi? Edhe çfarë pastaj. Kërkoni një kafene të rehatshme (ka mijëra të tilla), porosisni një pije të nxehtë dhe shikoni botën të kalojë.

  1. Shkoni bëni shopping!

Një nga gjërat që Tiranës nuk i mungojnë janë dyqanet. Nëse jeni duke kërkuar për marka europiane keni TEG, për modën shumëngjyrëshe italiane dhe ballkanike drejtohuni tek Blloku, ose vizitoni Toptani dhe Ring Centre për pak nga të dyja. Myslym Shyri ka shumë butiqe dhe dyqane bizhuterish ku mund të blini gjërat që dëshironi. Nëse jeni duke blerë në një dyqan të pavarur, mos hezitoni, veçanërisht nëse jeni duke blerë artikuj të ndryshëm – oh dhe gjithmonë kërkoni çmimin në lekë.

Lexoni: 5 Restorantet më të mira në Tiranë, sipas të rinjve

Tirana nuk është kurrë një vend i mërzitshëm dhe gjithmonë ka diçka për të bërë. Kur është fjala për muzetë dhe galeritë, ka shumë më tepër se ato që janë përfshirë në këtë listë, kështu që kërkoni në Google ose kërkojini një banori vendas për sugjerimet më të mira!

burimi: thebalkanista