Çfarë mësime lidershipi mund të mësojmë nga një gjeneral?


Shkruar në LinkedIn nga Edlira Gjoni

Ai ishte armik pa urrejtje, vetëmohues, udhëheqës i ngurtë. Një Çezar, pa ambicjen e tij; Frederick, pa tiraninë e tij, Napoleon, pa egoizmin e tij dhe Washington, pa shpërblimin e tij.” – B.H.Hil.

Disa mësime intriguese nga Robert E. Lee, gjeneral i Luftës Civile:

  • Mos i besoni dikujt që të kontrollojë të tjerët, nëse ai nuk mund të kontrollojë veten e tij.
  • Jini të sinqertë! Sinqeriteti është burimi i ndershmërisë dhe i guximit.
  • Asnjëherë mos jetoni, veproni ose thoni diçka në kurriz të dikujt tjetër. Kjo nuk është thjesht një çështje parimi, por është rruga e duhur për paqen dhe nderin.
  • Emri i djallit është dështimi.
  • Guximi mbahet mend.

Lexoni: 7 CILËSITË E LIDERSHIPIT TË TË GJITHË LIDERËVE TË MËDHENJ

Më poshtë janë disa mësime të mrekullueshme për lidershipin nga Lee.

Rëndësia e ambicies: “Është në dorën tuaj që të vendosni fatin tuaj, të lirë dhe pa kufizime.”

Kuptoni se çfarë keni kundër: “Duhet të jemi në gatishmëri, ose do të mashtrohemi”

Besimi në vetvete dhe pasojat: “Pa marrë parasysh se cila mund të jetë aftësia e oficerit, nëse ai humb besimin e trupave të tij, shkatërrimi do të vijë herët ose vonë.”

Gjithmonë mbarojeni atë që pritet prej jush: “Detyra … është fjala më sublime në gjuhën tonë. Bëni detyrën tuaj në të gjitha gjërat. Kurrë nuk duhet të dëshironi të bëni më pak.”

Bëni plane afatgjata: “Ekzistenca e njerëzimit është kaq e gjatë, krahasuar me atë të individit, por ne shohim vetëm këtë të fundit dhe dekurajohemi. Është pikërisht historia ajo që na mëson të shpresojmë.”

Prisni që të dështoni ndonjëherë: “Ne duhet të presim ndryshime, madje edhe humbje. Duhet të mësojmë diturinë dhe maturinë, për të thirrur energji më të mëdha dhe të parandalojmë rënien tonë në katastrofa edhe më të mëdha.”

Integriteti mbi gjithçka tjetër: “Unë mendoj se është më mirë të bëjmë atë që është e drejtë, edhe nëse vuajmë, sesa të përjetojmë poshtërimin e ndërgjejes dhe pasardhësve tanë.”

Punësoni njerëzit e duhur, pastaj frymëzojini ata të shkojnë drejt madhështisë: “Ju duhet të frymëzoni dhe të udhëhiqni trupat tuaj … ushtria juaj do të ishte e pamposhtur nëse mund të organizohej mirë dhe të shërbente si duhej.

Jini zemërbardhë në garë. Çdo gjë më pak ushqen përbuzje: “Zonja, mos i nxisni fëmijët tuaj që të urrejnë Shtetet e Bashkuara, kujtohuni që ne e formojmë vendin tonë. Harrojini të gjitha këto armiqësi dhe bëjini bijtë tuaj amerikanë.” – Lee në një letër për një vejushë pas luftës.

Besnikëria krijon besnikëri: “Lee ishte një fenomen … i vetmi njeri që unë do të ndiqja me sy mbyllur” – Gjeneral Thomas “Stonewall” Jackson.

Shpërblimi i disiplinës tek vartësit: “Në rekomandimin e zyrtarëve për promovim, gjithmonë, kur kualifikimet e tjera janë të barabarta, jepini përparësi atyre që tregojnë vlerësimin më të lartë të rëndësisë së disiplinës dhe tregojnë vëmendjen më të madhe ndaj kërkesave të tij.”

 

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale