Çfarë duhet të dini para se të investoni në një ICO (Ofertat Fillestare për Monedha)?


Autoriteti Evropian i Tregjeve dhe Letrave me Vlerë u tërheq vëmendjen investitorëve europianë lidhur me Ofertat Fillestare për Monedha (Initial Coin Offerings, ICO), duke i cilësuar si investime spekulative.

Një ICO është një mënyrë inovative për të mbledhur para nga publiku duke përdorur të ashtuquajturat ofertë fillestare xhitoni ose shitje xhitoni. Në një ICO një biznes, individ lëshon një xhiton dhe i vendos ato për shitje në këmbim të parave si euro apo zakonisht monedha virutale si bitcoin ose etherum.

Lexoni: Edhe Shqipëria me tregtues të monedhës virtuale. Ja cilët janë ata dhe çmimet e tregtimit

“ESMA u tërheq vëmendjen investitorëve për rrezikun e lartë të humbjes së gjithë kapitalit të tyre të investuar pasi që ICO-të janë investime shumë të rrezikshme dhe spekulative. Çmimi i monedhës është zakonisht mjaft i paqëndrueshëm dhe investitorët mund të mos jenë në gjendje t’i rikompensojnë luhatjet për një periudhë të gjatë,” thuhet në njoftimin e shpërndarë nga ESMA.

Një tjetër rrezik i rëndësishëm lidhet me faktin se, në varësi të mënyrës se si ato janë të strukturuara, ICO-të mund të veprojnë jashtë kuadrit të veprimit të ligjeve dhe rregulloreve të BE-së dhe në këtë rast investitorët nuk mund të përfitojnë nga mbrojtja që këto ligje dhe rregullore japin për ta. ICO-të janë gjithashtu të ndjeshme ndaj rrezikut të mashtrimit apo pastrimit të parave.

Autoriteti Evropian i Tregjeve dhe Letrave me Vlerë, ESMA ka vërejtur një rritje të shpejtë të ICO-ve në nivel europian dhe global dhe është i shqetësuar se investitorët mund të mos jenë në dijeni të rreziqeve të larta që ata po ndërmarrin kur investojnë në ICO.

Lexoni: Estonia hedh idenë e monedhës virtuale shtetërore “estcoins”

Më tej, ESMA është e shqetësuar se firmat e përfshira në ICO mund të kryejnë aktivitetet e tyre pa u pajtuar me legjislacionin përkatës të BE-së.

burimi: ata.gov.al

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale