Garat me makina janë adrenalinë e bukur e cila të zgjon të gjitha shqisat. Brunilda Gjura është nënë e tre fëmijëve dhe një kampione në garat me makina e cila ka fituar mbi 40 çmime. Sot 33 vjeçe, ajo e ka nisur që e vogël këtë sport, ndërsa gjatë rrugës është përballur me shumë paragjykime.
Brunilda Gjura është një garuese e pasionuar në disiplinën e auto sllallomit, duke filluar aventurën e saj në vitin 2019 dhe duke qenë një figurë e rëndësishme në skenën e garave. Për tri sezone radhazi, 2019, 2020, dhe 2021, ajo u shpall kampione në kategorinë e saj, duke i bërë femra e parë në auto sport që meriton çmimin prestigjioz “Helmeta e Artë”.
Fillimet e saj në garat e auto sllallomit ishin me një BMW E92, por Brunilda ka eksploruar edhe vetura të tjera gjatë rrugëtimit të saj të suksesshëm. Për të gjitha këto vite, ajo ka qenë pjesë e Prishtina Racing Team, duke kontribuar në rezultate të shkëlqyera të ekipit.
Falë mbështetjes së sponsorëve, Brunilda shpreson në një sezon të ri premtues, duke siguruar që do të vazhdojë të jetë një konkurrente e denjë për të kryesuar në garat e ardhshme. Me pasionin dhe talentin e saj në auto sllallom, ajo vazhdon të ndërtojë një emër të respektueshëm në skenën e garave në Kosovë.
Kur ka zënë fill pasioni juaj për makinat?
Brunilda Gjura: Pasioni im për makinën ka nisur shumë moshë të hershme qëkurse isha ende 9-vjeç sepse isha rritur në një klimë të tillë familjarë ku të gjithë ishin marrë me makina. Fillimisht mësova motorrin dhe më pas makinën. Kjo më pas me dha drejtimin ëndrrave të mija. Çdo gjë nisi si diçka e vogël por më pas rezultoi të ishte diçka që kishte sukses në kompeticionet ku unë merrja pjesë. Në vitin 2019 kam nisur shumë seriozisht garën me makina dhe më pas erdhën edhe çmimet. Prej këtij viti kam qenë kampione në kategorinë time.
Si je ndjerë në gjithë këto vite eksperiencë, a ju kanë mbështetur?
Brunilda Gjura: Ka qenë xhaxhi im i cili me ka shtyrë që të merrem me këtë gjë. Fillimisht me ka kërkuar që ta ndihmoj të ndez një makinë e më pas unë kurrë nuk u tërhoqa nga kjo fushë. Ai për momentin zhvillon gara në Itali, është profesionit në disiplinën e tij. Në Tetorin e viti të kaluar ka marrë pjesë edhe në një garë në Tiranë.
Cila është sfida më e madhe që ke ti me veten?
Brunilda Gjura: Sfida më e madhe e imja është se para se të garoj me të tjerët garoj me veten time. Nuk mjaftohem me rezultatet që kam pasur dhe kërkoj gjithmonë e me tepër disiplina të tjera me të larta. Unë gjithmonë kërkoj më të mirën nga vetja.
A ju kanë parë me një skepticizmi për faktin që jeni grua?
Brunilda Gjura: Momenti skeptik është deri në kohën kur ti ndez makinën dhe nis garën më pas është puna dhe roli im për t’ju vërtetuar të kundërtën. Por unë nuk mund të krahasohem më të tjerët sepse nuk kam të njëjtat makina si të tjerët. E megjithatë edhe pse unë nuk kam makina të mëdha apo të forta nuk më ka munguar guximi për të ecur përpara dhe për të bërë çmosh në avancimin tim .
lexo: “Bëhu gati me mua!”, trendi argëtues që është kthyer në ‘makineri fitimesh’
A është diku ende makina jote e parë që ke bërë gara ?
Brunilda Gjura: Fatkeqësisht jo sepse makina ka qenë shumë e madhe dhe nuk i përshtatej disiplinës sime dhe e kemi shitur. E megjithatë unë vijoi të ruaj me fanatizëm idenë që në momentin e parë kur unë të kem mundësi do të blej një makinë si ajo për ta ruajtur në kujtimet e mija.
Kush të mbështet më tepër në çdo garë ?
Brunilda Gjura: Familja ime dhe fëmijët e mij ata janë shumë të qartë që nuk është e thënë per të fituar çdo garë ku unë marr pjesë por e rëndësishme është pjesëmarrja.
Cila ka qenë sfida juaj si garuese ?
Brunilda Gjura: Sfida ime ka qenë makina ime. Gjithnjë më është dashur nje makinë më e mirë sepse nuk kam pasur një makinë e cila ti përshtatej garës. Po ashtu edhe një tjetër moment sfidues ka qenë kur më është prishur makina në mes të garës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
