Marsi vjen gjithmonë me energji të re dhe reflektim mbi rolin e grave në shoqëri, por për nënat sipërmarrëse, çdo ditë është një sfidë e pandalshme mes familjes dhe karrierës. Të jesh nënë dhe njëkohësisht të udhëheqësh një biznes nuk është thjesht menaxhim kohe; është një art i balancimit të emocioneve, pritshmërive dhe ambicies.
Në këtë edicion të MOMpreneur, katër gra të jashtëzakonshme ndajnë rrugëtimin e tyre. Aneida Bajraktari, nënë e tre fëmijëve dhe bashkëthemeluese e Balkan Capitals dhe Doll’app, tregon sesi ka kthyer sfidat e përditshme në një “superfuqi” menaxhimi, duke përfshirë fëmijët në biznes dhe evente. Briseida Gjoza, CEO e ConsciESG, rrëfen momentin kur pranimi i mundësisë për të dështuar i hapi rrugë suksesit profesional edhe gjatë shtatzënisë. Estela Ujka, influencer dhe themeluese e Bloggers Discover Albania, shpjegon si koha e munguar dhe përgjegjësitë e përditshme mund të balancohen me dashuri, kreativitet dhe modelim të sjelljes për fëmijët, ndërsa Joana Naçi, bashkëthemeluese dhe drejtore menaxheriale e Impact Assessment Institute tregon sfidat e mëmësisë që nisin që në shtatzëni.
Këto histori tregojnë se mëmësia nuk është pengesë, por një shtysë për rritje personale dhe profesionale. Marsi, muaj i guximit dhe rigjenerimit të trupit dhe mendjes, është padyshim simboli i nënave që transformojnë sfidat në mundësi, duke krijuar modele frymëzuese për brezat e ardhshëm dhe në radhë të parë për fëmijët e tyre.
Aneida Bajraktari – sipërmarrëse, bashkëthemeluese e Balkan Capitals, Doll’app
‘’Të jesh nënë e tre fëmijëve dhe njëkohësisht të bësh biznes është si të luash një ‘vals’ të pandalshëm mes dy botëve që kërkojnë vëmendje maksimale. Sfida më e madhe nuk është thjesht menaxhimi i kohës apo përditshmërisë, por “pesha” emocionale e të qenit prezente në çdo hap të rritjes së tyre, pa sakrifikuar ambicien profesionale. Shpesh, sfida më e vështirë është ai zëri i brendshëm që na kërkon të jemi perfekte në të dyja frontet. Ka ditë kur ndjehesh sikur po bën shumë, por asgjë mjaftueshëm mirë. Megjithatë, pikërisht këtu lind forca.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
