Bill Gates nënshkruan marrëveshje me 16 kompani farmaceutike

Bill Gates nënshkruan marrëveshje me 16 kompani farmaceutike

Bill Gates

Fondacioni Bill dhe Melinda Gates ka bashkuar forcat me 16 kompani farmaceutike për të avancuar prodhimin dhe shpërndarjen e vaksinave kundër koronavirusit.

Mark Suzman, CEO i Fondacionit Gates, njoftoi të Mërkurën se 16 Drejtorë Ekzekutivë nënshkruan një marrëveshje për “angazhimin e tyre për të ndihmuar në sigurimin e shpërndarjes globale dhe të efektshme të vaksinës kundër COVID19”.

Kompanitë farmaceutike kanë rënë dakord të zgjerojnë kapacitetin e tyre të prodhimit të barnave. Mes 16 kompanive do të ketë bashkëpunim të afërt dhe pa konkurrencë.

“Partneriteti do të vazhdojë të bëjë pjesën, që i takon për të siguruar që njerëzit në çdo vend të botës, të pasur apo jo, të kenë akses në diagnostikimin, terapinë dhe vaksinat që do të ndihmojnë në këtë pandemi,” tha Gates në një video. “Ne do t’i lartësojmë këto inovacione sa më shpejt të jetë e mundur. Dhe ne do të bëjmë gjithçka që kemi në dorë për t’u siguruar që ato të arrijnë këdo që ka nevojë për ta, pa marrë parasysh se ku jetojnë ose çfarë mund të paguajnë.”

Lexoni: Elon Musk nuk do të vaksinohet kundër COVID-19

Mënyra e vetme për të eleminuar kërcënimin e COVID-19, tha themeluesi i Microsoft Bill Gates, është aftësia për të prodhuar miliarda vaksina, për të pasur fonde për të paguar për to dhe për të pasur sisteme për t’i shpërndarë ato kudo.

Filantropisti miliarder theksoi se vendet me të ardhura të ulëta janë shtëpi për gati gjysmën e popullsisë së botës, por vetëm 14% e popullsisë së tyre do të ishte në gjendje të blinte vaksinën kundër COVID-19.

Mënyra e vetme për të eliminuar COVID-19 nga një shtet, tha Gates, është ta eliminosh atë kudo.

“Bashkëpunimi i pashembullt i të gjithë shoqërisë kërkohet për të mbyllur hendekun dhe për të ndihmuar që testet, trajtimet dhe vaksinat të mos shkojnë vetëm tek ofertuesi më i lartë,” tha ai. “Angazhimi nga 16 kompani të shkencave jetësore është një hap i shkëlqyer.”

16 ndërmarrjet farmaceutike që nënshkruan marrëveshjen përfshijnë AstraZeneca, Bayer, bioMérieux, Boehringer Ingelheim, Bristol Myers Squibb, Eisai, Eli Lilly, Gilead, GSK, Johnson & Johnson, Merck & Co., Merck KGaA, Novartis, Pfizer, Roche dhe Sanofi .

Rastet globale të infektimeve me COVID-19 janë rritur në më shumë se 33.76 milionë dhe vdekjet kohët e fundit tejkaluan 1 milion viktima. SH.B.A. po udhëheq në të dyja, me më shumë se 7.2 milionë raste të raportuara dhe më shumë se 206,430 vdekje të raportuara. India renditet e dyta, me më shumë se 6.22 milionë, e ndjekur nga Brazili, i cili ka më shumë se 4.77 milionë raste.

US News

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0