Markat e fuqishme personale nuk krijohen brenda natës. Ato kërkojnë tregime bindëse, karizëm dhe produkte apo përmbajtje që njerëzit duan.
Duke ndjekur disa udhëzime të thjeshta, ju mund të filloni procesin e kthimit të emrin tuaj në një markë. Vetëm sigurohuni që ju jeni të përgatitur për çdo gjë që vjen me të!
1.Mënyra e jetesës dhe produkti tuaj janë një e vetme dhe e njëjta gjë.
Askush nuk blen rroba Tommy Hilfiger, sepse ata duan të duken si Tommy Hilfiger. Ata blejnë rroba Hilfiger në mënyrë që të marrin një shije të jetesës, që Hilfiger e ka kthyer në një markë. Kjo është e njëjtë me Oprah ose Kardashians. Oprah nuk ka një prekje magjike që e bën një libër shumë të mirë dhe Kim nuk ka talent për të bërë të brendshmet e lira më tërheqëse. Ata shesin shumë libra dhe rroba për shkak se librat dhe rrobat nuk janë produkt. Jetesa e Oprah është produkt. Jetesa e Kim Kardashian është produkt. Librat dhe rrobat janë vetëm një shije.
2. Bëhuni ekspert në industrinë tuaj.
Bota e internetit e bën më të lehtë se kurrë që sipërmarrësit të marketojnë veten në një audiencë të gjerë, por konsumatorët janë shumë skeptikë për atë që besojnë. Mënyra më e mirë për të rritur praninë dhe besueshmërinë tuaj është që të bëheni ekspert i lartë në industrinë tuaj. Pasi nuk është sekret se ata që specializohen në diçka kapin më shumë biznese dhe mund të kërkojnë një çmim më të lartë. Nëse ju jeni të veçantë ose mund të bëni diçka që një person mesatar në industrinë tuaj nuk mund t’a bëjë, ju mund të paguheni me një çmim më të lartë. Ju do të rritni vlerën tuaj neto duke ndërtuar një reputacion për punë me cilësi të lartë.
3. Bëhuni autentikë.
Nuk ka kuptim t’a falsifikoni atë! Nëse ju doni të ndërtoni markën tuaj personale, ju duhet të jeni vetëvetja. Njerëzit e vlerësojnë autenticitetin kur marrin vendime për blerje. Kjo nuk do të thotë që ju nuk duhet të përpiqeni të jeni personi që idealizoni ose një version më i lumtur apo më i suksesshëm, por kjo do të thotë se duhet të ketë një bazë të së vërtetës dhe të origjinalitetit në fjalët dhe veprat e tua.
4. Të jeni vazhdimisht të qëndrueshëm
Në ditët e sotme, njerëzit janë të bombarduar me mesazhe dhe tregime gjithë ditën dhe gjithë natën. Për të dalluar në këtë zhurmë, duhet të jeni në përputhje me mesazhin tuaj. Vendosni për një stil duke përfshirë ngjyra, logo, misionin etj dhe qëndroni tek to. Mbani standardet tuaja gjithmonë të larta. Provoni metoda të ndryshme të marketingut për të parë se cila nga ato tërheq më shumë trafik dhe konverton më mirë. Shikoni ku konkurrentët tuaj janë duke shpenzuar paratë e tyre, pastaj vendosni nëse duhet të bëni të njëjtën gjë. Nëse ju jeni në përputhje në çdo kohë dhe kudo me audiencën tuaj të synuar, mesazhi juaj do bëjë përshtypje.
5. Shkoni atje dhe shfaquni.
Ju doni angazhim të vërtetë efektiv? Dilni nga shtëpia. Askush nuk e ka ndërtuar ndonjëherë një markë të suksesshme duke qëndruar në shtëpi dhe duke thënë fjalë të mençura. Njerëzit kanë nevojë për veprime! Angazhohu sa më shumë. Tregoje fytyrën tënde! Sa më shumë njerëz t’ju njohin dhe të kenë besim, aq më shumë gjasa ka që ata të provojnë ose të rekomandojnë produktet ose shërbimet tuaja.
80 % e suksesit tregohet, kështu që bëjeni atë!
Burimi: huffingtonpost.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
