Apple lançon programin e zhvillimit të aplikacioneve për sipërmarrëset femra - Business Magazine Albania

Apple lançon programin e zhvillimit të aplikacioneve për sipërmarrëset femra


Apple po kërkon të mbështesë më shumë themelueset femra përmes kampit të tij më të ri të sipërmarrësit, një laborator teknologjik i përqëndruar në zhvillimin e aplikacioneve.

Kampi dy javor pa pagesë, i cili fillon në Janar, do t’i japë themelueseve femra mundësinë për të marrë një ndihmë në kodim nga inxhinierët e Apple, si dhe të marrin pjesë në sesione mbi dizenjimin, teknologjinë dhe marketingun e App Store. Idea është që të ndihmojnë ekipet të kursejnë kohën e përgjithshme të zhvillimit.

Lexoni: Startup-et e femrave në Europë, më pak akses në financim

Në mënyrë që të pranohen për të marrë pjesë, kompania duhet të jetë e themeluar nga femra, ose e bashkë-themeluar nga femra ose e drejtuar nga një femër dhe të paktën të ketë një femër në ekipin e zhvillimit.

Për kompanitë që aktualisht janë vetëm për Android, Kampi i Sipërmarrësit mund të jetë një mundësi që ata të mësojnë më shumë për ekosistemin e Apple dhe për të marrë mbështetje direkte nga krijuesit e teknologjisë. Për Apple, është një mundësi për të rritur sasinë dhe cilësinë e aplikacioneve në dyqanin e saj.

“Ne donim të përqendroheshim te femrat që tashmë kanë një biznes të bazuar tek aplikacionet dhe ne nuk kërkojmë që ato të kenë një aplikacion iOS,” tha për TechCrunch, kreu i Apple për Worldwide Developer Marketing, Esther Hare.

“Ky nuk është një inkubator ku ju vini me një ide të mirë dhe ne ju ndihmojmë të mendoni nëpërmjet saj. Tashmë idea është realizuar dhe pjesëmarrëset duan të inkorporojnë machine learning ose realitetin e shtuar, ose të përdorin disa prej teknologjive të tjera të Apple.”

Përveç kësaj, Hare parashikon që ky program të shërbejë si ndihmë që femrat të marrin më shumë fonde.

Lexoni: Edhe Apple objektiv i Trump. Presidenti amerikan: konsumatorët e Apple mund ta përballojnë taksën 10%

Apple ka bërë workshop-e të ngjashme në të kaluarën, por kjo është e para që fokusohet në kompanitë e themeluara nga femrat. Dhe përderisa kjo është specifike për femrat, Hare tha: “Ne hartuam këtë program me të gjitha minoritetet e nënpërfaqësuara, veçanërisht femrat me ngjyrë.”

burimi: TechCrunch

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0