Startup-et e femrave në Europë, më pak akses në financim


Femrat sipërmarrëse? E vështirë…kapitali për sipërmarrëset femra është në rënie. Marshimet e grave në nisma si #metoo dhe #equalpay mund të japin idenë që po ndodh fuqizimi i grave, por të dhënat e fundit tregojnë se gratë sipërmarrëse në Europë e kanë më të vështirë së kurdoherë të sigurojnë financim për kompanitë e tyre.

Krahasuar me burrat e sotëm, gratë janë ende në shekullin e 19-të, shumë përpara shpikjes së energjisë elektrike dhe telefonit. Ky është përfundimi i raportit global të hendekut gjinor WEF, i cili vlerëson se me ritmet e fundit do të duhen edhe 217 vite për të mbyllur hendekun ekonomik gjinor në nivel global.

Europa ka qenë shpesh në ballë të ndryshimeve pozitive në këtë drejtim. Megjithatë, mbeten disa sfida të qëndrueshme për femrat themeluese të sipërmarrjeve të reja.

Për më tepër, të dhëna nga Pitchbook tregojnë se financimi dhënë grave jo vetëm është i ulët, por sa vjen e reduktohet. Nga 14% e kapitalit dy vite më parë, në 11% vitin e kaluar.

Themelueset femra, gjithashtu duket se kanë një pjesë edhe më të vogël. Sipas të dhënave, mesatarja e financimit për gratë ishte 30% më e ulët se mesatarja e financimit të grupeve.

Si ndikon kjo përfundimisht në treg?

Mes yjeve të startup-eve që janë vlerësuar mbi 1 miliard dollarë, vetëm 25 nga 280 kompani kanë një themeluese femër, sipas të dhënave të Crunchbase.

Pse femrat vuajnë aksesin në financim?  Një pjesë e problemit sipas studiesve është hendeku mes femrave dhe meshkujve investitorë. “Është një problem si ai i pulës dhe vezës”, thotë Samantha Jérusalmy, partnere në “Elaia Partners”.

Një përgjigje më e shkrutër është se ka shumë seksizëm në industri, thotë Allyson Kapin nga WomenWhoTech në eventin “Sfidat e grave në Startup” mbajtur në Paris.

Paragjykimi gjinor shpesh është më delikat se seksizmi i hapur. Për shembull, investitorët bëjnë pyetje shumë të ndryshme ndaj burrave dhe grave, sipas një studimi të shkollës së Harvardit. Duke iu referuar konferencës së TechCrunch Disrupt në New York, ata analizuan më shumë se 100 biseda për të zbuluar dallimet e habitshme.

Ndërsa pyetjet e investitorëve për themeluesit meshkuj përqëndrohen tek përfitimet potenciale, rritja ose vizioni (p.sh. “Cilat janë objektuav tuaja këtë vit?”), grave u bënë pyetje më mbrojtëse dhe “parandaluese” si, “Sa të parashikueshme janë fluktet tuajat monetare në të ardhmen? “. Në këtë pikë, nuk është aspak çudi, kur ju themi se sipërmarrësit meshkuj të këtij kampioni siguruan pesë herë më shumë fonde sesa homologet e tyre femra.

Inc.com

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale