Aplikoni për një trajnim pranë EIT (Institutit Europian të Inovacionit dhe Teknologjisë)!


EIT ka hapur thirrjen për aplikim për programet e trajnimit të tij në një periudhë 3-6 muaj.

Trajnuesi do të jetë pjesë e zhvillimit të trajnimit në një prej pesë njësive të EIT-së:

  • Zyra Drejtuese e EIT
  • Njësia e Komunikimit dhe Marrëdhënieve me Palët e Interesuara
  • Njësia e Komunitetit të Inovacionit
  • Njësia strategjike
  • Njësia e Shërbimeve dhe Financave

Nëse jeni të interesuar dhe nuk doni ta humbisni këtë mundësi aplikoni KËTU. Afati i fundit i aplikimeve mbaron në datën 26 Shkurt.

Çfarë është EIT?

Instituti Europian i Inovacionit dhe Teknologjisë (EIT) është një organ i pavarur i Bashkimit Europian i krijuar në vitin 2008 për të nxitur inovacionin dhe sipërmarrjen në të gjithë Europën. EIT bashkon institucionet kryesore të arsimit të lartë, laboratorët hulumtues dhe kompanitë për të formuar partneritete dinamike ndërkufitare – Komunitetet e Njohurive dhe Inovacionit – që zhvillojnë produkte dhe shërbime të reja, nisin kompani të reja dhe trajnojnë një brez të ri sipërmarrësish. Komunitetet e inovacionit gjithashtu janë të ngarkuar me tejkalimin e disa prej sfidave më të mëdha me të cilat ballafaqohet shoqëria jonë, përfshirë ndryshimet klimatike, përdorimin e lëndëve të para, energjinë dhe plakjen aktive. Si e bëjnë këtë komunitetet e inovacionit? Për më shumë informacion shikoni faqen e tyre në linkun e “Komunitetit EIT” për të mësuar më shumë.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale