Aplikoni për Fondin e Sipërmarrjes Turistike


“Fondi i Sipërmarrjes Turistike” është fondi më i ri në mbështetje të ndërmarrjeve të vogla dhe të mesme që ushtrojnë veprimtarinë e tyre në sektorin e turizmit. Ky fond ka si qëllim të mbështesë zhvillimin e sektorit të turizmit në Shqipëri, duke krijuar një mjedis të favorshëm me impakt në zhvillimin ekonomik të qëndrueshëm dhe hapjen e vendeve të reja të punës.

Fondi i sipërmarrjes turistike u jep ndihmë financiare të drejtpërdrejtë ndërmarrjeve të vogla dhe të mesme që zhvillojnë veprimtarinë e tyre si sipërmarrje turistike, të tilla si:

– Struktura akomoduese të llojit bujtinë në zonat rurale;

– Agroturizëm dhe shërbime kulinare tradicionale të zonës.

Fondi ofron subvencionim për shpenzime që kanë të bëjnë me aktivitete të miratuara mbi bazën e ndarjes së shpenzimeve. Kjo nënkupton se granti nuk financon gjithë shpenzimet, por vetëm një pjesë të tyre, ndërkohë që pjesa tjetër financohet nga përfituesi i grantit (në këtë rast ndërrmarrja shqiptare). Skema mbulon 60% deri në 80% të kostove të pranueshme dhe të miratuara, jo më shumë se 1.000.000 (një milion) lekë.

Vlera e përgjithshme e parashikuar për këtë fond për vitin 2017-2019 është 30.000.000 (tridhjetë million) lekë, ku për secilin vit është parashikuar 10.000.000 (dhjetë millionë) lekë. Fondi krijon mundësinë që ndërmarrja të arrijë më shumë, se nga sa ato do të arrinin me mjetet e tyre. Aplikimet janë të hapura deri më datë, 1.11.2017.

Për t’u njohur me kriteret e aplikimit, si dhe me dokumentacionin e nevojshëm klikoni në:

VKM për Fondin e Sipërmarrjes Turistike Nr 390 2017

Rregullorja e Fondit të Sipërmarrjes Turistike

Për çdo informacion mos hezitoni të kontaktoni në: [email protected].

burimi: Aida

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale