Amazon edhe në tregun e pajisjeve mjekësore, krijon një linjë ekskluzive

Amazon po ofron një linjë ekskluzive të pajisjeve mjekësore për të ndihmuar konsumatorët të menaxhojnë diabetin dhe hipertensionin, sipas CNBC. Brandi, i quajtur “Choice”, është zhvilluar nga kompania konsulente shëndetësore Arcadia Group. Zgjedhja fillimisht do të përfshijë pajisjen që mat presionin e gjakut dhe monitorët e glukozës me aplikacione mbështetëse mobile që ofrojnë ndjekjen e matjeve dhe lajmërimeve.

Lexoni: Amazon rrit pagat minimale të punonjësve, ndërkohë Bezos fiton 4 milionë dollarë në orë

• Amazon tani ka linjat e produkteve për ta kthyer platformën e saj e-commerce në një one-stop-shop për pacientët me sëmundje kronike. Kombinuar me blerjen e farmacisë online PillPack dhe linjën e saj ekskluzive të produkteve të shëndetit (OTC) nga Amazon, gjiganti i tregtisë elektronike ka mundësinë për të sjellë mjete për menaxhimin e sëmundjeve dhe barnat drejtpërdrejt në dyert e pacientëve.
• Amazon mund t’i integrojë pajisjet e reja me Alexa për ta bërë folësin e tij një ndihmës të fuqishëm për shëndetin personal. Amazon është duke zhvilluar aftësitë Alexa që ndihmojnë pacientët me diabet të menaxhojnë shëndetin e tyre dhe po eksplorojnë mënyrën se si ta bëjnë në përputhje me HIPAA asistentin e zërit. Pra Amazon mund të lidhë një monitor të glukozës tek Alexa në mënyrë që pacientët me diabet të mbajnë nën kontroll mjekimin e tyre.
• Linja e re e pajisjeve Amazon është treguesi më i fundit që po nxit farmacitë e shitjeve me pakicë të vijnë online. Amazon dhe Choice patën një synim të qartë në lidhje me këtë në deklaratën e tyre për shtyp: “kjo markë është e pozicionuar për të ofruar vlerë të jashtëzakonshme kundrejt asaj që është e disponueshme në dyqanet tradicionale të farmacisë me pakicë … konsumatorët nuk kanë më nevojë të shkojnë në një dyqan fizik për të bërë blerjen e pasjisjes së tyre mjekësore.” Dhe një studim joformal i Business Insider Intelligence zbuloi se më shumë se gjysma e konsumatorëve amerikanë do të hiqnin dorë nga farmacitë e tyre të tanishme për Amazon.

Lexoni: Amazon paguan punonjësit e saj të trajnohen për punë në kompani të tjera

Por Amazon do të duhet të përqëndrohet në ndërtimin e besimit të konsumatorit nëse planifikon të përdorë produktet e reja shëndetësore. Mesatarisht, më shumë se një e treta e konsumatorëve “nuk janë aspak të kënaqur” të ndajnë informacione si parametrat jetësore personale dhe rekordet e recetës së tyre me Amazon në këmbim të shërbimeve të saj, përfundim ky i nxjerrë nga një sondazh në Maj të 2018.

burimi: BI