Sa na kushton korrupsioni? Sigurisht çdo shifër më shumë se sa mendoni. Përllogaritjet e qendrës ALTAX, në një studim të thelluar për këtë, flasin për një kosto prej 515 milionë euro në vit.
Korrupsioni në të gjitha nivelet çon në rritjen e çmimeve të produkteve dhe shërbimeve, duke bërë shpesh me kosto edhe shërbime që nuk kanë kosto.
Qendra bën të ditur se është bazuar në analizat e Institucioneve Financiare Ndërkombëtare, siç është FMN.
Në nivel lokal, korrupsioni vlerësohet të favorizohet nga kultura e klientelizmit dhe patronazhit, si dhe nga rrjetet e strukturuara informale të zyrtarëve publikë lokalë, nëpunësve civilë, liderëve të komunitetit dhe elitës së biznesit lokal.
Kostot shpërndahen në biznese dhe të qytetarët, si në formë të drejtpërdrejtë (pagesë e faturave më të shtrenjta) edhe të tërthorte (kosto e lartë e buxhetit dhe rrjedhimisht rritje e taksave, apo më pak investime dhe shërbime publike).
Lexo: Pritet të krijohet vaksina specifike për Omicron
Për më tepër, vlerësimet e ALTAX flasin për një rritje të dukshme të çmimeve, pikërisht për shkak të korrupsionit. Studimi vlerëson, se kostoja e shtuar e ardhur nga korrupsioni është transferuar nga bizneset te çmimet e mallrave dhe shërbimeve.
Rritja e çmimeve së fundi është rezultat i kombinuar i faktorëve të brendshëm dhe të jashtëm. Nëse produktet e importit shënuan rritje për shkak të vështirësive të transportit, prodhimi vendas u prek nga efektet e pandemisë. Korrupsioni i lartë është një faktor tjetër shtesë në rritjen e çmimeve, duke e rënduar kështu më tej gjendjen ekonomike të familljeve dhe individit shqiptar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
