Albi Zhulali, ëndrra nuk realizohet kurrë i vetëm


Natyra kurioze e një fëmije të vogël, për të mësuar më shumë rreth teknologjisë, bëri që të kuptonte se e ardhmja e tij lidhej pikërist me teknologjinë. Në moshën 15 vjeçare ai filloi punën e parë një një kompani reale, ku edhe mësoi më shumë rreth programimit.

Dy vite më vonë, pikërisht në moshën 17 vjeçare, ai krijoi kompaninë e tij SoftMogul, me seli qëndrore në Tiranë dhe zyra në Romë dhe New York

Gjatë intervistës në emisionin Think  Big, Albi Zhulali, tregon se eventet Startup i kanë ardhur shumë në ndihmë, pasi i kanë hequr kompleksin e ndrojtjes në publik. Kjo gjë e ka ndihmuar atë të jetë më i komunikueshëm me të tjerët dhe të prezantojë para klientit produktin e tij.

SoftMogul, kur lindi si ide nuk ishte e tillë. Që në fillim Albi ka synuar të kishte një produkt të tijin, që ta shiste e jo të kishte një klient dhe t’i përkushtohej atij. Madje ai shprehet se ka bërë shumë kërkime para se të vendoste për atë të cilës do t’i përkushtohej.  Nga kërkimet e tij, ai doli në përfundimin se industria e turizmit ishte e ardhmja e Shqpërisë. Kjo ishte shtysa e krijimit të stayinalbania.com, që sot quhet Soft Mogul, platformë e ngjajshme me Booking dhe Expedia. Përmes kësaj platforme ai u vjen në ndihmë turistëve, duke listuar të gjitha hotelet në Shqipëri, i orienton përmes shërbimeve që ofrojnë hotelet.

Por, Albi është ndjekur gjithmonë nga pyetja: “Po hotelet që po paguanin Booking, a do t’a përdornin platformën e tij?” Këtë përgjigje ai e ka marrë prej kohësh, pasi fakti që kompania e tij është zgjeruar edhe në dy shtete të fuqishme e tregon qartë këtë.

Lexo: Këshilla suksesi nga sipërmarrësja Valbona Begolli

“Kështu lindi SoftMogul-i. U nisa me një ide të vogël dhe përfundova me rezultate të larta”.
Kompania e tij tani është pjesë e “Plug&Play”. Për të rinjtë në kompaninë e tij, ai ofron intershipe, trajnime dhe punë. Primare për të është bashkëpunimi i stafit, pasi kjo ka benefitet e saj si për ata ashtu edhe për kompaninë. Kompania e tij është “one in all”. Si mentor të tijin ai ka Steve Jobs dhe Elon Musk, por feedback-u i klientëve të tij, e ka bërë të vazhdojë të japë maksimumin. “Që kur nisa të punoj me SoftMogul kam dashur që tregu fillestar të jetë Amerika”.

Kjo kompani i mësoi atij më shumë rreth biznesit. Ja disa nga këshillat që ai ka sipërmarrësit e rinj.

  • Të keni një plan biznesi, pasi kjo e bën kompaninë të qëndrueshme dhe afatgjatë
  • Kudo që t’u jepet mundësia duhet ta flisni idenë tuaj
  • Të jeni të hapur ndaj feedback-ut
  • Të njihni audiencën tuaj
  • Çdo sipërmarrës duhet të ketë tre lloje prezantimesh, para stafit, për klientin dhe për investitorët
  • Fokusohuni më shumë tek rritja sesa tek fitimet
  • Të jeni të hapur ndaj gjërave të reja

Ëndrra nuk realizohet kurrë i vetëm. Sipas tij, krijimi dhe shfrytëzimi janë të ndërlidhura, pasi krijimi i tyre shfrytëzohet nga klienti. Dhe në fund secili ka përfitimet e veta.

I pyetur se si e koncepton shprehjen Think Big ai thotë: “Që të mendosh big, duhet të mendosh small. E them këtë nga përvoja ime me SoftMogul-in, pasi e nisa me diçka small, vetëm për tregun shqiptar dhe përfundova në diçka globale. Asnjëherë mos e kufizoni veten, nëse keni dëshirë dhe vullnet mund t’ja dilni të arrini qëlimet tuaja”.

Ndiq këtu emisionin Think Big

https://www.youtube.com/watch?v=wj0lfuv3slc

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale