“Albanian ICT Awards 2017”


Albanian ICT Awards” ka çelur edicionin e pestë. Ky eveniment ka si qëllim promovimin e projekteve inovatore, si dhe profesionistëve të suksesshëm në teknologji. Mbështetës i këtij evenimenti është për të pestin vit radhazi edhe Fondacioni Mediatik “Dritan Hoxha”.

“Përgjatë këtyre 5 viteve kemi arritur të sjellim një frymë të re, duke zgjuar ndjenjën e vërtetë të garës ndër më të mirët e këtij sektori, përmes një formule shumë strikte, ku fjalën kryesore e mban juria profesionale. Kemi bërë përpjekje për fuqizimin e grave në sektorin e ICT-së, jo thjesht për të drejta të barabarta, por sepse besojmë në hulumtimet akademike, se një gjë e tillë nxit ekonominë e çdo vendi. Është shumë e rëndësishme gjithëpërfshirja e shoqërisë në këtë sektor”, tha Kushtrim Shala, drejtues i “ICT Awards”.

Pjesë e kësaj nisme, përgjatë 5 viteve kanë qenë mbi 500 projekte të ndryshme individuale apo institucionale, nga Shqipëria dhe Kosova. Eventi ka tërhequr vëmendjen e aktorëve të rëndësishëm shqiptarë dhe më gjerë, si dhe është vlerësuar me çmimin “Bleta e Artë” në kategorinë “ICT” për kontributin e çmuar në drejtimin e promovimit të sipërmarrjes dhe zhvillimit në këtë sektor.

Pjesë e këtij eventi ka qenë edhe kryetari i Bashkisë së Tiranës, i cili foli për mbështetjen që duhet t’i jepet projekteve inovatore dhe atyre në teknologji.

“Mungon elementi i financimit afatgjatë të startup-eve. Kjo nuk mund të jetë vetëm një gjë e qeverisë, me një projekt apo një tjetër. Unë njoh njerëz në këtë qytet, të cilët paguajnë një milion euro për një leje ndërtimi. Ky komunitet duhet të përdorë më mirë qasjen në financa private. Do të duhet të fusim këtë element, për të vrarë mendjen sesi një biznesmen shqiptar, i cili mund t’i ketë bërë lekët nga qendra tregtare, ndërtimi apo fasoneria, tani të mund të sfidohen në një fushë të tillë”, u shpreh kryebashkiaku i Tiranës, Erion Veliaj.

Juria e “Albanian ICT Awards” është e përbërë nga personalitetet më të njohura të sektorit të Teknologjisë së Informacionit në Shqipëri dhe Kosovë. Krahas 7 kategorive tradicionale, ky edicion do të ketë dhe një kategori shtesë “Cyber Security”, në kuadër të nismave për mbrojtjen nga krimi kibernetik. Mbrëmja gala e ndarjes se çmimeve “ICT Awards” do të zhvillohet në muajin prill.

burimi: Top-Channel

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale