Aftësitë që duhen për t’u bërë një vizionar strategjik - Business Magazine Albania

Aftësitë që duhen për t’u bërë një vizionar strategjik


Biznesi është startegji. Njerëzit më të sukseshëm në botë janë vizionarë mendje-mprehtë që e dinë si të arrijnë atje ku duan dhe janë inovativë në rrugën e tyre. Për të qënë i suksesshëm duhet të mësosh të mendosh në mënyrë strategjike në të gjitha fushat e biznesit. Përfytyrimi i strategjive i kërkon të dyja pjesët e trurit, logjike dhe atë kreative. Duke kapërcyer rutinën dhe mendimet e përditëshme që të lënë në vend, ti do të bësh lëvizjen e duhur në drejtim të qëllimeve të tua. Mendimi startegjik është aftësia kryesore për të patur sukses.

1. Të vendosësh të gjithë trurin në punë

Të mendosh në mënyrë strategjike kërkon që të ndryshosh mendimet e përditshme për të mendur idetë përtej logjikës në trurin e majtë. Një nga mënyrat më të mira për të kaluar përtej trurit të majtë është duke e shpërqëndruar atë me një detyrë ndërkohë që shkruani. Shkrimi e ngarkon me punë trurin e majtë, që lejon pjesën tjetër më kreative dhe intuitive të jetë më aktive. Për këtë arsye ju duhet të shkruani lista dhe qëllime.

Duke vënë gjithë trurin në punë ju analizoni se si mund të zvogëloni një problem, si të vlerësoni një ide, dhe si të përdorni gjykimet kritike. Truri i majtë ndihmon në një gjykim analitik. Kur mjete organizuese të biznesit janë në vendin e duhur inteligjenca artistike është e lirë të mendoj mundësitë për rritje dhe zgjerim.

2. Krijo një vizion

Një strateg i mirë zhvillon vizione të qarta dhe të vendosura biznesi. Praktikoni të menduarit me imazhe për të parë të ardhmen tuaj. Praktikat vizuale mendore janë aq efektive sa ushtrimet fizike. Këto të dyja mund të të bëjnë një strateg të madh.

Imazhet mendore ndihmojnë në vetëmenaxhim, perceptim, planifikim dhe memorizim. Stërviteni trrurin për performancë duke përdorur vizualizimin për të praktikuar veprimet që do të ndërrmerni së shpejti dhe përgatituni për rezultatet. Këto ushtrime vizuale nxisin motivimin, rrisin vetbesimin dhe kujdesin për veten. Ato stërvisin trrurin për sukses.

3. Vendos objektivat

Inteligjenca është çelësi për t’u bërë një strateg i zoti. Inteligjenca operative përfshin organizimin dhe planin për të marrë një objektiv dhe për ta shndërruar atë në vepër. Është i domosdoshëm përdorimi i afateve kohore kur planifikon për hapat e vegjël që të çojnë drejt synimit kryesor. Çdo arritje e vogël do të kërkojë burime të caktura, qëndroni gjithmonë në gatishmëri. Strategjitë kërkojnë planifikim, durim dhe asnjëherë mos të dorëzohesh. Afatet kohore e mbajnë biznesin të organizuar dhe me këto strategji të përzgjedhura suksesi është gjithmonë i garantuar.

4. Ji fleksibël

Strategët e mëdhenj nuk janë të ngurtë për asgjë. Ti duhet të jesh gjendje të përballesh me të papriturat. Fleksibiliteti kërkon të jesh i hapur dhe të ndryshosh drejtim sa herë të jetë e nevojshme. Dizenjo objektivat për çdo etapë të ndryshme për të matur më saktë progresin tënd. Etapat dhe afatet kohore të ndihmojnë të bësh rishikime. Kjo të jep mundësinë të jesh aktiv në ndryshimin që pritet në vend që të bllokohesh dhe të heqësh dorë kur ndrsyhimi të ndodh.

5. Intuita

Arma sekrete e strategëve të mëdhenj është fakti që ata shfrytëzojnë aftësitë e tyre intuitive. Për të qënë i zoti t’i duhet të mësosh të njohësh dhe të interpretosh emocionet e tua. Emocionet të lidhin me eksperienca të mëparëshme duke të lejuar ty të parashikosh razultatet e vendimeve të tanishme. Kur e dallon se ku po të drejtojnë instiktet, ti do të jesh më i përgatitur për gjërat që do të pasojnë. Ky qartësim të ndihmon të dallosh mundësitë për ty dhe biznesin tënd.

6. Përgjithmonë student

Për të qënë një strateg i zoti ju duhet të insvestoni në rritjen e vazhdueshme. Angazhohu me dëshirë për të mësuar gjithë kohës për të krijuar kështu modele të reja të mendimit nga çdo eksperiencë, të mira dhe të këqija. Modelet e reja bëjën që ti të reagosh më shpejt. Për këtë arsye shikoji të gjitha ndryshimet si pozitive. Zotëro ato më të dobishmet dhe hiq dorë nga ato që krijojnë probleme rreth realizimit të qëllimeve të tua.

7. Shplodhe trurin

Për të qënë një strateg i zoti në të menduar bëj pak pushim. Pusho gjatë ditës nëse je i lodhur, qoftë edhe për pak minuta apo gjithë ditën nëse e ke mbingarkuar veten këto kohë. Duke bërë pushim ti e ndihmon veten të qëndrosh i freskët dhe të përqëndrohesh. Pas pushimit ju do të do të keni ide më të qarta dhe freskia e mendjes do t’ju ndihmojë të zgjidhni problemet më shpejt.

8. Prano këshilla

Inteligjenca racionale është e nevojshme nëse doni të bëni strategj të mira, dhe suksesi nuk është puna e një personi të vetëm. Ji i hapur dhe i gatshëm për të pranuar këshilla dhe sugjerime. Mëso nga një mentor dhe grupet për ide rreth biznesit.

9. Balanca

Ndërkohë që ju bëheni më strategjik për arritjet e biznesit, mësoni të balanconi kreativitetin dhe pasionin me një realitet optimist për atë që mund të realizohet gjatë udhëtimit tuaj. Për të qënë një strateg i zoti ju duhet ta keni të qartë se sa e rëndësishme është të jesh realist. Kreativiteti kërkon testime dhe gabime për ta bërë një ide të plotë dhe të dobishme.

10. Durim

Mendimtarët strategjik janë të durueshëm. Ti nuk duhet të shpejtosh në përfundime apo gjykime gjatë udhëtimit tënd. Ti nuk mund të mbjellësh një farë dhe të presësh që ajo të çeli ditën tjetër. Idetë dhe mendimet e mira kërkojnë kohë për t’u zhvilluar në suksese të mëdhaja që përmbushin vizionin tuaj. Bëj durim!

Njerëzit më të suksesshëm, bizneset dhe organizimet gjithmonë synojnë përpara. Ata janë fleksibël dhe të fokusuar ndërkohë që ecin përpara duke përdorur afatet kohore për të matur progresin e tyre. Për të qënë më i miri ti duhet të zhvillosh gjuhën dhe strukturën e menaxhimit të kreativitetit. Ti duhet të zhvillosh zgjidhje krijuese për sfida të ndryshme së bashku me strategjitë për të kapërcyer këto sfida.

Një strateg i mirë e di që një e ardhme e qëndrueshme kërkon më shumë se matjet egoiste, lakmitare dhe shpesh joetike për sukseset afatshkurtëra. Një e ardhme e qëndrueshme kërkon një inteligjencë relative, një inteligjencë funksionale, inteligjencë emocionale, inteligjencë artistike dhe aftësinë për t’u përshtatur shpejt me ndryshimet.

/Entrepreneur.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0