Formatet premium të Digital Out of Home (DOOH) të mëdha dhe cilësore tërheqin pesë herë më shumë vëmendje krahasuar me formatet digjitale online, sipas një studimi të ri.
Pse DOOH ka rëndësi
Studimi “The Attention Dividend”, realizuar nga Ocean Outdoor në bashkëpunim me Lumen Research, konfirmon fuqinë e këtij formati për të tërhequr vëmendjen e konsumatorëve. Ky studim mbështet dhe forcon gjetjet e mëparshme të Lumen dhe Ebiquity, duke treguar se DOOH mund të përdoret si një instrument strategjik për rritje të qëndrueshme të brandit. Duke ndikuar pozitivisht në kujtesën dhe përzgjedhjen e markës, ky format kontribuon në përmirësimin e kthimit nga investimi në periudhë afatgjatë, duke rritur disponueshmërinë mendore të brandit dhe ndikimin e tij në treg.
Të dhëna kryesore nga studimi:
-
Formatet premium të DOOH janë mesatarisht 5.1 herë më efektive se reklamat digjitale online.
-
Ato mbajnë vëmendjen 8.2 herë më gjatë se display ads online, 5.5 herë më gjatë se përmbajtjet në rrjetet sociale, dhe 1.6 herë më gjatë se videot online.
-
Kur DOOH përdoret në kombinim me reklamat standarde OOH (Out Of Home), për të maksimizuar shtrirjen dhe frekuencën, vihet re një korrelacion i fortë mes vëmendjes dhe fitimeve afatgjata, sipas modelit “Maximising Profit Through Attention” nga Lumen dhe Ebiquity.
-
Reklamat video në DOOH premium sjellin deri në 2.5 herë më shumë ndikim në kujtesën e markës sesa videot online.
-
Krahasuar me përmbajtjen statike, videot në DOOH nxisin 2.5 herë më shumë përzgjedhje të brandit.
-
Formatet 3D DeepScreen rrisin dëshirueshmërinë për markën me 32%.
“DOOH premium nuk është thjesht një kanal i sigurt për markën – është një kanal me cilësi transmetimi, që sjell rezultate të matshme si në ndërtimin e brandit, ashtu edhe në rritjen e të ardhurave” – Phil Hall, CEO, Ocean Outdoor UK.
Lexo edhe:5 llojet e konsumatorëve që mund të shkatërrojnë biznesin tënd
Rreth studimit
Studimi u realizua me pjesëmarrjen e 2,500 personave, përmes një eksperimenti të stilit laboratorik online. Pjesëmarrësit panë video me perspektivë të parë (POV) të ecjes nëpër qytet, gjatë të cilave kalonin pranë pikave të caktuara me reklama DOOH. U monitoruan lëvizjet e syve dhe më pas u zhvillua një anketë për të matur kujtesën ndaj reklamës, ndikimin në zgjedhje dhe dëshirueshmërinë për markën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
