A po e sabotoni vetë suksesin e biznesit tuaj?


Kur bëni hapin e parë si sipërmarrës, mund të jetë një eksperiencë emocionuese, por e frikshme. Edhe sapo të keni filluar biznesin tuaj dhe të keni marrë hapa të mëdhenj, mund të jetë e vështirë të mbani rreziqet dhe të mos lejoni që vetë-dyshimi të bëhet pjesë e ditëve tuaja. BusinessMag më poshtë ju sjell 5 mënyra se si pronarët e bizneseve të vogla shpesh vetë-sabotojnë suksesin e tyre dhe si t’i shmangin ato.

Lexoni: Dështimi mund të jetë i mirë për biznesin tuaj

  • Zvarritja e gjërave

Një nga mënyrat më të zakonshme që sipërmarrësit sabotojnë suksesin e tyre është duke zvarritur gjërat. Mos përcaktimi i detyrave të rëndësishme ose shtyrja e takimeve të biznesit mund të shkaktojnë që ju të ktheheni hapa mbrapa. Ju mund të gjeni veten duke i zvarritur gjërat për një sërë arsyesh, për shkak se ju ndiheni të stresuar apo të nën-kualifikuar. Në vend që të vononi detyrat urgjente, organizoni listën tuaj të detyrave dhe filloni nga puna me ato që do të ndikojnë më shumë në biznesin tuaj.

  • Vendosja e qëllimeve joreale

Në këto kohë, është e vështirë të mos ndiheni të frymëzuar dhe motivuar nga shumë histori suksesi që lundrojnë në internet. Megjithatë, mund të duket sikur pothuajse të gjithë e kanë arritur suksesin brenda natës. Si një sipërmarrës që është në fillesat e veta, mund të jetë e lehtë për të vendosur qëllime joreale për veten dhe biznesin tuaj. Kjo mund t’ju bëjë të ndiheni të zhgënjyer kur gjërat nuk do të realizohen në kohën e duhur. Jini me këmbë në tokë dhe vendosni qëllime realiste për biznesin tuaj, veçanërisht në vitin e parë kur sapo keni filluar.

  • Jo outsourcing

Sa më shpejt të kuptoni se nuk mund të bëni gjithçka vetë, aq më mirë. Shumë sipërmarrës fillojnë vetë bizneset e tyre dhe nuk kërkojnë asnjë ndihmë – edhe kur ata kanë mundësitë për ta bërë këtë. Kjo mund të pengojë seriozisht rritjen e biznesit tuaj. Është e rëndësishme të njihni mangësitë dhe mundësitë tuaja për rritje dhe të kërkoni ndihmën e nevojshme për të bërë gjërat. Këto kohë, është e lehtë të krijohen freelancers ose kontraktues nëse nuk mund të përballoni punonjësit afatgjatë.

  • Punoni shumë

Shumë sipërmarrës zbulojnë se ngritja dhe drejtimi i një biznesi kërkon orë të pafundme pune. Kur puna bëhet e gjithë jeta juaj, lehtësisht mund ta gjeni veten të pamotivuar, të pafuqishëm dhe të paaftë për të bërë asgjë. Kjo mund të shkaktojë probleme kur rritja e biznesit tuaj varet nga ju dhe vetëm nga ju. Ndërsa mund të josheni për të punuar gjatë gjithë kohës, është e rëndësishme të krijohen kufijtë si një sipërmarrës. Marrja e pushimeve dhe qetësimi gjatë fundjavave është një domosdoshmëri dhe kufizimi i punës do t’ju bëjë më të lumtur dhe më produktivë.

Lexoni: Si të pranoni dështimin?

  • Doni të jeni perfeksionistë

Ky është biznesi juaj, kështu që natyrisht, ju doni që ai të jetë i përkryer. Për fat të keq, kjo dëshirë për përsosmëri mund t’ju mbajë mbrapa. Ju duhet të kuptoni se cilat fusha apo detyra duhet të bëhen në një standard shumë të lartë dhe cilat nuk kanë nevojë të jenë të përkryera. Koha juaj është e kufizuar dhe nuk mund të shpenzoni shumë kohë në detyra që nuk do të përfitoni gjë për biznesin tuaj në afatgjatë.

Burimi: quickbooks

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale