Përveç Jeff Bezos, miliarderët e teknologjisë e kanë rritur pasurinë e tyre në vitin 2019

Ka qenë një vit i mirë, së paku për miliarderët që punojnë në teknologji. Madje, disa nga më të pasurit e teknologjisë kanë përjetuar rritje masive në vlerën e tyre neto të pasurisë, që nga fillimi i vitit deri më sot.

Por, themeluesi i Amazon, Jeff Bezos, pati një divorc me gruan e tij MacKenzie Bezos, i cili i ka zvogëluar vlerën neto të tij në vitin 2019.

Kjo është arsyeja kryesore për rënien e vlerës së tij të përgjithshme, ndonëse është akoma në krye të listës së miliarderëve.

Lexoni gjithashtu:

Një letër e humbur e bëri australianin miliarder

Businessmag sjell listën e disa miliarderëve të teknologjisë më të pasur në botë, bazuar në Indeksin e Miliarderëve të Bloomberg.

Këto shifra janë të datës 30 tetor 2019.

12. CEO i Tesla dhe Space X, Elon Musk, rriti vlerën e tij neto me 1.79 miliardë dollarë

Musk i ka realizuar premtimet e tij të mëdha këtë vit.

Me gjithë pasurinë e tij masive, CEO i Silicon Valley mesa duket ka pohuar se nuk ka shumë para.

Vlera totale neto: 25.8 miliardë dollarë

Ndryshimi nga fillimi i vitit deri + 1,79 miliardë dollarë

11. Vlera e Michael Dell u rrit për 2.99 miliardë dollarë

Michael Dell është themelues dhe CEO i firmës së tij të informatikës Dell. Firma u bë private në vitin 2013, por ajo u kthye në tregun publik në dhjetor të vitit 2018.

Vlera totale neto: 31.2 miliardë dollarë

Ndryshimi nga fillimi i vitit  + 2,99 miliardë dollarë

10. Drejtori i Përgjithshëm i Tencent, Pony Ma

Si CEO i konglomeratit kinez të teknologjisë Tencent, Ma është rivali më i madh i Jack Ma në skenën e teknologjisë kineze (ata nuk kanë lidhje familjare).

Interesat e Tencent janë të larmishme, por firma është e njohur më së miri në perëndim si forca lëvizëse prapa WeChat, aplikacioni i mesazheve të çastit që është i përhapur në Kinë.

Vlera totale neto: 32.9 miliardë dollarë

Ndryshimi nga fillimi i vitit  + 618 milionë dollarë

9. MacKenzie Bezos

Ajo u bë një nga gratë më të pasura në botë pas divorcit të saj nga CEO i Amazon, Jeff Bezos, duke fituar 35.4 miliardë dollarë.

Ajo luajti një rol kryesor në themelimin e Amazon, duke e drejtuar atë me burrin e saj të atëhershëm, ndërsa shkruante një plan biznesi.

Vlera totale neto: 35.4 miliardë dollarë

Ndryshimi nga fillimi i vitit  + 35.4 miliardë dollarë

8. Themeluesi i Alibaba, Jack Ma

Pavarësisht dajles në pension në muajin shtator, themeluesi i Alibaba, ka vazhduar të përfitojë nga 6% të aksioneve të tij në gjigantin e tregtisë elektronike.

Vlera totale neto: 41.6 miliardë dollarë

Ndryshimi nga fillimi i vitit + 5,95 miliardë dollarë

7. Ish-drejtori i Përgjithshëm i Microsoft, Steve Ballmer

Ballmer ka diversifikuar interesat e tij të biznesit që kur dha dorëheqjen nga bordi i Microsoft pesë vjet më parë dhe ai tani zotëron ekipin e NBA të Los Angeles Clippers.

Vlera totale neto: 53 miliardë dollarë

Ndryshimi nga fillimi i vitit  + 14.3 miliardë dollarë

6. Bashkë-themeluesi i Oracle, Larry Ellison

Bashkëthemeluesi i Oracle dhe drejtori ekzekutiv i teknologjisë, ka shijuar një vit shumë të frytshëm në pasurinë personale pasi Oracle arriti të ardhura totale prej 9.2 miliardë dollarë për tremujorin e parë të këtij viti.

Vlera totale neto: 59,7 miliardë dollarë

Ndryshimi nga fillimi i vitit  + 10,4 miliardë dollarë

5. Bashkëthemeluesi i Google, Sergey Brin

Në vitin 2019, presidenti i Alphabet ka arritur të konsolidojë vendin e tij mes pesë personave më të pasur në botë.

Gjoba prej 1.7 miliardë dollarësh për Google nga Komisioni Europian në mars, për praktikat e reklamave “abuzive” ishte e treta në tre vjet, por pasuria e themeluesit mbeti e “parrezikuar”.

Vlera totale neto: 59.4 miliardë dollarë

Ndryshimi nga fillimi i vitit + 9.51 miliardë dollarë

4. Bashkëthemeluesi tjetër i Google, Larry Page

Ashtu si bashkëpunëtori i tij i Google, CEO i Alphabet ka shtuar gati 10 miliardë dollarë në vlerën e tij neto pasi kompania vazhdoi të sigurojë fitime të jashtëzakonshme.

Vetëm në tremujorin e dytë të vitit 2019, Alphabet fitoi 9.18 miliardë dollarë.

Vlera totale neto: 61.2 miliardë dollarë

Ndryshimi nga fillimi i vitit  + 9,92 miliardë dollarë

3. Drejtori Ekzekutiv i Facebook, Mark Zuckerberg

Mark Zuckerberg shtoi 20,7 miliardë dollarë në pasurinë e tij.

Pasuria e Zuckerberg është rritur me mbi 40% vitin e kaluar, pavarësisht se kompania e tij kaloi një vit të vështirë përsa i përket imazhit publik.

Projekti Libra i kriptovalutës ka humbur një të katërtën e mbështetësve fillestarë.

Sidoqoftë, përfitimet nga reklamat në Facebook dhe vëmendja që jep publiku, gjithnjë i mban investitorët të interesuar.

Lexoni gjithashtu:

Gjoba 5 miliardë dollarëshe ndaj Facebook-ut e bën Mark Zuckerberg-un më të pasur

Vlera totale neto: 72,7 miliardë dollarë

Ndryshimi nga fillimi i vitit deri në datën e përmendur në vlerën neto: + 20,7 miliardë dollarë

2. Themeluesi i Microsoft, Bill Gates

Themeluesi i Microsoft, shumë shpejt tejkaloi Jeff Bezos si personin më të pasur në botë në tetor, por ai e humbi përsëri këtë “privilegj”.

Megjithatë, vlera neto e 64-vjeçarit është rritur këtë vit edhe kur raportohet se ai dhuroi mbi 35 miliardë dollarë për bamirësi në vitin 2019.

Vlera totale neto: 108 miliardë dollarë

Ndryshimi nga fillimi i vitit + 17.6 miliardë dollarë

Lexoni gjithashtu:

Bernard Arnault tejkalon edhe Bill Gates. Bëhet personi i dytë më i pasur në botë.

1. Themeluesi i Amazon, Jeff Bezos

Jeff Bezos është “varfëruar” për 14.9 miliardë dollarë, por akoma mbetet personi më i pasur në botë.

Megjithëse Bezos mban titullin e personit më të pasur në botë, vlera neto e Drejtorit Ekzekutiv të Amazon ka marrë një goditje këtë vit, kryesisht për shkak të një marrëveshje divorci prej 38 miliardë dollarësh me ish-gruan e tij, MacKenzie, në qershor.

Lexoni: 

Jeff Bezos dorëzon ”kurorën” si njeriu më i pasur në botë – Bien fitimet e Amazon

Vlera totale neto: 110 miliardë dollarë

Ndryshimi nga fillimi i vitit  – 14.9 miliardë dollarë.

Businessinsider