Qeveria e Shteteve të Bashkuara kaloi muaj duke u përpjekur të caktonte një dënim për listën e gjatë të sjelljeve të këqija të Facebook-ut lidhur me privatësinë, dhe veprimi më i mirë që mund të bënte ishte aq i dobët saqë aksionet e Facebook-ut u rritën.
Nga disa perspektiva të tjera, kjo gjobë prej 5 miliardë dollarësh sigurisht që është një punë e madhe; gjoba më e madhe në historinë e KFT-së, shumë më e madhe se gjoba prej 22 milionë dollarëve kundrejt Google në 2012. 5 miliardë dollarë janë shumë para. Por kur bëhet fjalë për Facebook, është ende shumë e vogël: Facebook kishte përfituar 15 miliardë dollarë të ardhura vetëm në tremujorin e fundit të këtij viti dhe 22 miliardë dollarë vitin e kaluar.
Gjoba më e madhe e KFT-së në histori në thelb vlen sa një muaj në të ardhurat e Facebook-ut dhe kompania bëri një punë aq të mirë në paralajmërimin e investitorëve saqë çmimi i aksioneve u rrit.
GJOBA MË E MADHE NË HISTORI TË SHTETEVE TË BASHKUARA E RRITI VLERËN ZUCKERBERG-UT
Çfarë mësimi mund të marrim nga kjo?
Në të vërtetë ky është problemi më i madh këtu: gjobat dhe ndëshkimet janë efektive vetëm kur ato shkaktojnë pasoja negative për sjellje të këqija. Por Facebook që nga skandali Camridge Analytica, (për të cilën u dënua me këtë gjobë) nuk ka bërë asgjë tjetër përveç sjelljes së keqe, për të cilën bile edhe po shpërblehet nga tregu.
Asnjë nga gjobat dhe kushtet që i vihen Faceook-ut nga KFT nuk do të ndikojë në biznesin fitimprurës të reklamave të Facebook-ut.
Dhe siç thotë Peter Kafka, Facebook do t’a paguajë gjobën dhe do të vazhdojnë me punën, sidomos tani që është duke krijuar një kripto-monedhë të re në mbarë botën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
