Afati kohor për të cilin diskutoi Musk duke iu përgjigjur fansave në Twitter, mund të jetë tepër mbresëlënës ose tepër ambicioz, në varësi të perspektivës tuaj.
Por për ta bërë realitet “qytetin e banueshëm në Mars”, SpaceX duhet të ndërtojë dhe fluturojë rreth 1.000 anije kozmike sipas analizave të Musk, të cilat duhet të transportojnë ngarkesa, infrastrukturë dhe ekuipazh në Mars në një afat kohor prej rreth 20 vjetëve, pasi shtrirja planetare lejon vetëm një fluturim në Mars, çdo dy vjet.
Lexoni gjithashtu:
Sigurisht, për të vendosur një qytet të përhershëm dhe të qëndrueshëm në Mars, së pari duhet të arrijmë atje.
NASA e ka vendosur vitin 2024 si synimin e tyre për këtë moment historik dhe SpaceX ka thënë se shpreson të zbarkojë anijet e saj deri në vitin 2022, për të ndihmuar në fazën përgatitore.
Edhe Musk në të kaluarën e ka diskutuar realizimin e misionit të arritjes në Mars për vitin 2024, por ky synim duket i paarritshëm duke i marrë parasysh zhvillimet sot.
Ndryshe, ky “paralajmërim” i kompanisë së udhëhequr nga Musk, nuk është se duket shumë ambicioz, duke pasur parasysh natyrën e drejtorit të saj.
Ai njihet për vendosjen e synimeve shumë ambicioze. Por këto synime, edhe pse jo modeste, i kanë sjellur rezultate të mëdha.
Ai llogaritet si një nga sipërmarrësit e teknologjisë më të pasur në botë, pasuria e të cilit ka shënuar rritje edhe gjatë këtij viti. Vlera e tij totale neto llogaritet 25.8 miliardë dollarë.
Lexoni më shumë për rritjen e pasurinë së miliarderëve të teknologjisë këtë vit:
Përveç Jeff Bezos, miliarderët e teknologjisë e kanë rritur pasurinë e tyre në vitin 2019
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
