Jon Burkhart
Një folës kryesor i vlerësuar me disa çmime, strateg i përmbajtjes dhe bashkautor i librit “Newsjacking: The Urgent Genius of Real-time Advertising”.
Përveçse drejton kompaninë e konsulencës së marketingut “TBC Global”, Jon zhvillon lojëra interaktive që rrisin dhe amplifikojnë marketingun e përmbajtjes.
Jon jeton në Londër, por është konsulent dhe folës në të gjithë botën. Ai është pjesë e bordit të konferencës më të madhe të inovacionit në botë “South by Southwest Interactive” (SXSW) si dhe SEAT (Sports and Entertainment Alliance in Technology). Punën e tij mund ta gjeni tek Fast Company apo The Guardian.
Dave Birss
Dave ka një mision të veçantë: të eleminojë të gjithë “fjalët e kota” që qarkullojnë rreth fushës së krijimtarisë dhe atë të inovacionit.
Ai ka qenë folës në AllWeb Albania, konferencën e marketingut dixhital të organizuar në Tetor të vitit 2016.
Gjatë këtij viti, ai së bashku me Soon Yu publikuan librin “Iconic Advantage”, një libër që tregon se si disa nga kompanitë më të suksesshme në botë e përdorin inovacionin për të ndërtuar markat e tyre.
Ju gjithashtu mund ta gjeni Dave duke organizuar workshop-e në të gjithë botën. Ai punon me organizata të të gjitha madhësive – që nga startupet deri tek qeveritë – për t’i ndihmuar ata, që të gjejnë më shumë mundësi dhe të zhvillohen më tej. Dave është themeluesi i Additive, një kompani konsulence dixhitale me bazë në Londër, e cila organizon workshop-e për marka dhe agjenci, të tilla si Google, BBC, ESI Media, Sky, Drum dhe shumë të tjera.
Më parë në karrierën e tij, Dave ka qenë drejtor kreativ i disa prej agjencive më të mira reklamuese në Londër, duke përfshirë OgilvyOne, Poke dhe McCann Worldgroup.
Matt Desmier
Një strateg që punon me markat dhe organizatat për t’i ndihmuar ato për të marrë vendime të mëdha.
Duke qenë fillimisht i trajnuar si dizajner (para se të kuptonte se talentet e tij ndodheshin diku tjetër), Matt ka një qasje ndryshe të të menduarit, duke i ndihmuar bizneset që të kuptojnë pozicionimin dhe mesazhet e tyre dhe si mund ta motivojnë audiencën.
Nëpërmjet agjencisë së tij “Wise Old Uncle”, Desmier dhe ekipi i tij kanë punuar me disa organizata të mëdha, duke përfshirë këtu platformën më të madhe të crowdfunding në Mbretërinë e Bashkuar, kompaninë më të madhe të sigurimeve në Mbretërinë e Bashkuar dhe një kompani tjetër globale, duke i ndihmuar në hartimin e planit për teknologjinë, rritjen e audiencës së tyre dhe zhvillimin e produkteve dhe shërbimeve të përshtatshme për shekullin 21.
Spark.me sjell histori nga zgjidhjet teknologjike më inovative, modele të reja të biznesit, strategji angazhimi të markave, iniciativa për ndryshimin e botës dhe bashkon së bashku biznesin, teknologjinë, udhëheqësit e inovacionit, marketerët, startup-et dhe geeks.
Ju mund të gjeni më shumë informacion në lidhje me konferencën në faqen zyrtare të Spark.me, në faqen në Facebook, në Twitter dhe në Instagram.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
