Pse është lëvizje e zgjuar të investosh në kompani që drejtohen nga femrat? - Business Magazine Albania

Pse është lëvizje e zgjuar të investosh në kompani që drejtohen nga femrat?


Vitet e fundit, disa kompani të shërbimeve financiare janë duke investuar në kompanitë që kanë drejtuesit kryesorë femra ose bord të ndryshëm gjinor të drejtuesve. Hulumtimi i ri nga banka më e madhe e Skandinavisë tregon pse kjo mund të jetë një gjë e mirë.

Lexoni: Pse femrat ndryshe nga meshkujt pa kuptuar penalizojnë startup-et e tyre?

Kompanitë me një femër në rolin kryesor të ekzekutivit apo të kreut kanë performancë shumë më të mirë sesa indeksi global gjatë tetë viteve të fundit, sipas një analize nga banka Nordea e rreth 11,000 kompanive në nivel global. Rezultatet e para të raportuara nga Bloomberg treguan se mesatarisht, kompanitë me një femër në cilëndo prej këtyre dy pozicioneve më të larta në fund të vitit kalendarik, dyfishuan ecurinë e Indeksit Botëror të MSCI në vitin e ardhshëm. Kthimi vjetor për firmat e drejtuara nga femrat ishte 25% që nga viti 2009, krahasuar me vetëm 11 % për tregun më të gjerë.

Studimi i Robert Naess shton një rritje të hulumtimeve që synojnë të shqyrtojnë nëse diversiteti gjinor ka një ndikim në ecurinë e korporatave. Credit Suisse, për shembull, ka zbuluar se një femër në bord ishte e lidhur me një performancë më të mirë dhe se mbajtja e më shumë drejtuesve femra ishte e lidhur me kthime më të larta për kapitalin, vlerësimet dhe pagimin e dividentëve si dhe një performancë më e mirë e aksioneve.

Analiza e Naess shqyrtoi kompanitë nga tregjet e zhvilluara dhe në zhvillim që kishin të paktën 2 milionë dollarë në tregtimin e aksioneve çdo vit nga këto tregje. Ai shikoi pothuajse 400 kompani gjatë periudhës në të cilën femrat mbajtën një nga dy rolet, duke shqyrtuar se si performanca e kompanisë doli në vitin e ardhshëm nëse një grua ishte shef ekzekutiv në fund të vitit paraprak.

Lexoni: Ja cila është arsyeja pse femrat janë lidere më të mira se meshkujt

Për çfarëdo arsye, femrat tentojnë të udhëheqin më shumë kompani që janë më pak të paqëndrueshme. Sipas numrit të tij, rreth 4% e kompanive kishin një lider femër në tregun e jashtëm, krahasuar me 9% të kompanive në një indeks që ndjek këto firma më të qëndrueshme.

Një mundësi tjetër, tha ai, është se analistët tentonin të kishin një rritje të pritshme të fitimeve për kompanitë me një femër në krye – me një mesatare prej 7.4 përqind, kundrejt 9.7 % për tregun më të gjerë. Përsëri, ndonëse arsyeja për këtë është e paqartë, analizat shpesh i tejkalojnë pritshmëritë, tha ai. Për shkak se rritja aktuale e të ardhurave mesatare është vetëm rreth 5% në vit, performanca e femrave mund të shihet si më pak zhgënjyese, gjë që mund të çojë në një performancë më të fortë.

Naess tha se shpjegimi mund të jetë thjesht se femrat janë menaxhere më të mira. “Nëse investoni vazhdimisht vetëm në kompanitë me drejtuese femra, atëherë do të vepronit shumë më mirë sesa tregu.”

burimi: WashingtonPost

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0