“Toka e shqiponjave do t’ju lejë pa frymë” – artikulli në prestigjozen “On the top of the world”

Blogu ndërkombëtar i dedikuar turizmit në botë, “On the top of the world” në një shkrim të tij ka dedikuar një promovim për Butrintin dhe Shqipërinë.

Në këtë artikull thuhet se Butrinti është i vendosur në jug të një vendi të mrekullueshëm të fshehur në mes të Lindjes dhe Perëndimit.

“Ndonëse Butrinti duket një vend fantastik, ai është i vërtetë, madje shumë i vërtetë. Ai është parku më i rëndësishëm dhe më i madh arkeologjik i Shqipërisë (dhe një nga më të bukurat e Ballkanit). Dhe sigurisht, askush nuk duhet ta humbasë atë”.

Prandaj, sipas këtij shkrimi duhet që ky vend të vihet në listën turistike të të gjithë vizitorëve. Madje shumë afër tij është plazhi i Ksamilit dhe Saranda, për ta kombinuar me pushimet e verës.

Më tej, autorja e artikullit përshkruan eksperiencën e saj të mrekullueshme gjatë vizitës së saj në këtë vend dhe çfarë mund të gjej këtu dikush sapo ta vizitojë.

Në fund artikulli mbyllet duke thonë se “Çdo gjë këtu është e përsosur dhe e rrethuar vetëm nga natyra…Shqipëria është një vend i vogël, por i mbushur me vende interesante si ky që do ju lënë pa frymë. Toka e Shqiponjave është gjithmonë një surprizë: mbani mend këtë destinacion të izoluar dhe gëzoni peizazhin para se të gjithë ta zbulojnë se sa i mrekullueshëm është.”

Burimi: lexo.al