Bashkë-themeluesi i LinkedIn, Reid Hoffman njoftoi sot se ai i është bashkuar bordit të drejtorëve në Microsoft.
Kjo pason blerjen e LinkedIn nga Microsoft-i për 26.2 miliardë $ vitin e kaluar. Kur marrëveshja u mbyll, CEO i LinkedIn, Jeff Weiner tha se operacionet e përditshme të kompanisë do të mbeten në thelb të pandryshuara, por ai gjithashtu vuri në dukje një numër fushash (si psh. integrimi i LinkedIn në Microsoft Outlook dhe produktet e Office), ku të dy organizatat do të punojnë së bashku.
Në një postim në LinkedIn, Hoffman tha se puna e tij kryesore është ende si një partner në “Greylock”, por ai ka mbajtur një zyrë ngjitur me Jeff Weiner në LinkedIn për nëntë vitet e fundit”, – kështu që ai ka mbetur shumë i përfshirë. (Zyrtarisht, ai ishte kryetari i bordit të LinkedIn.)
Si një anëtar i bordit të Microsoft, Hoffman tha se fokusi i tij do të mbetet në vetë LinkedIn, duke punuar gjithashtu për të ndihmuar Microsoft-in të ndërtojë më shumë lidhje në Silicon Valley.
“Dhe pas kombinimit me Microsoft, LinkedIn tani ka burime të reja dhe asetet e teknologjisë për të lëvizur përpara”, shkroi ai.
Microsoft emëroi gjithashtu Kevin Scott të LinkedIn, si zyrtar kryesor të teknologjisë në fillim të këtij viti.
Burimi: techcrunch.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
