“Amnesty International” analizoi 11 aplikacionet më të njoura të komunikimit dhe gjeti variacione të mëdha me sigurinë. Më mirë dolën “Facebook Messenger” dhe “WhatsApp”. “Për shembull, në WhatsApp, aplikacioni përdor një sistem të fortë kodimi dhe i informon përdoruesit se si e mbron informacionin” thotë Sherif Elsayed-Ali, i “Amnesty International”.
Nga ana tjetër, “Skype” në pronësi të Microsoft-it dhe “Snapchat”, dolën keq.
“Ato nuk përdorin sistem kodimi nga fillimi në fund, ç’ka do të thotë që vetëm dërguesi dhe pritësi mund ta lexojnë mesazhin”, thotë Elsayed-Ali. “Snapchat” e kundërshton këtë vlerësim të “Amnesty International” dhe thotë se privatësia dhe siguria janë vlerat bazë të kompanisë.
Microsofti i tha Zërit të Amerikës përmes një deklarate se “Skype përdor një sistem të koduar dhe një sërë teknikash të tjera sigurie dhe se aplikacioni e mbron privatësinë e përdoruesve me akte ligjore dhe rregulla dhe i njofton konsumatorët kur merr kërkesa nga qeveria për të dhënat e tyre”. “Amnesty International” thotë se nuk është vetëm privatësia në rrezik.
“Gazetarë në të gjithë botën përpiqen për të zbuluar raste korrupsioni dhe abuzime nga qeveria. Ka aktivistë që i rezistojnë shtypjes në vendet e tyre. Dhe qeveritë e tyre i kërkojnë ata në mënyrë aktive, madje dhe përpiqen të gjejnë informacion për të ndërprerë punën e tyre dhe shpesh i përndjekin ose edhe i burgosin” thotë zoti Elsayed-Ali. Makinat dhe gjithnjë e më shumë edhe pajisjet shtëpiake, po lidhen me internetin, me të ashtuquajturin “Interneti i Gjërave”.
“Do të ketë sensorë kudo. Mbase dhjetëra, ose qindra milionë sensorë në shtëpitë tona, në qytetet tona. Që do të na monitorojnë gjatë gjithë kohës. Dhe nëse ne nuk e mbrojmë privatësinë tani, nuk do të ketë privatësi në të ardhmen” shton ai. Nga aplikacionet e analizuara, më keq doli firma kineze Tencent, e cila ka në pronësi aplikacionet “WeChat” dhe “QQ”.
burimi: ata.gov.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
