Më 18 qershor 2025, në ambientet e Tirana Marriott, EIT Community Hub Albania do të organizojë eventin më të ri me titull “Harvesting Innovation – Boosting Albania’s Digital Leap”, në bashkëpunim me EIT Digital, një nga Komunitetet e Dijes dhe Inovacionit (KICs) të Institutit Evropian të Inovacionit dhe Teknologjisë (EIT).
Ky aktivitet ka për synim të përforcojë lidhjen e Shqipërisë me prioritetet digjitale të Bashkimit Evropian dhe të prezantojë për herë të parë në vend Komunitetin e Dijes dhe Inovacionit të EIT Digital. Në qendër të vëmendjes do të jenë politikat europiane të transformimit digjital dhe mënyra se si ato mund të përshpejtojnë zhvillimin teknologjik dhe ekonominë digjitale shqiptare. Ngjarja do të mbledhë politika-bërës, sipërmarrës teknologjie, studiues, përfaqësues të universiteteve dhe aktorë të ekosistemit të inovacionit, duke ofruar një hapësirë bashkëpunimi dhe dialogu mbi të ardhmen digjitale të Shqipërisë.
Çfarë është EIT Digital?
Si pjesë e ekosistemit më të gjerë të EIT, EIT Digital fokusohet në transformimin digjital të Evropës përmes edukimit, zhvillimit të sipërmarrjeve dhe nxitjes së teknologjive të qëndrueshme. Me qasje në një rrjet të gjerë europian, EIT Digital është një katalizator për zhvillimin e talenteve, scaleup-eve dhe inovacioneve, gjithmonë në përputhje me vlerat evropiane dhe qëndrueshmërinë.
Lexo edhe:Nga laboratori në revolucion, startup-i që po ndryshon botën e AI-së
Struktura e eventit:
🔹 Seanca hapëse do të nisë me fjalë mirëseardhjeje dhe prezantime të shpejta nga figurat kyçe të inovacionit në vend – përfaqësues nga EIT Community Hub Albania, EU4Innovation, Agjencia Kombëtare e Shoqërisë së Informacionit (AKSHI) dhe drejtues të EIT Digital.
🔹 “Connecting Innovators” – një sesion ndërveprues ku pjesëmarrësit do të njihen më nga afër me programet, mundësitë dhe mbështetjen që ofron EIT Digital për startup-e, kërkues dhe institucione.
🔹 “Showcase Carousel” – një pjesë dedikuar prezantimeve praktike nga iniciativa shqiptare që po kontribuojnë në rritjen e potencialit digjital kombëtar:
-
DataMaxAI – Zbulimi në kohë reale me computer vision në Raspberry Pi
-
DigitSapiens – Eksperiencë praktike në prompt-engineering me bio të LinkedIn
-
NCP Horizon Europe Cluster 4 – Quiz interaktiv për fondet e BE-së me Kahoot
Fituesit e aktiviteteve do të shpërblehen me çmime si vlerësim për kreativitetin dhe talentin vendas.
🔹 “Fireside Chat Round” – Një bisedë e thelluar me dy tavolina të rrumbullakëta mbi temat:
-
“Çfarë do të thotë mbështetje europiane për një startup 3-personësh nga Tirana?”
-
“Si do ta transformojë 5G shërbimin ndaj qytetarëve deri në vitin 2027?”
Një urë drejt inovacionit europian
Ky aktivitet përfaqëson një mundësi konkrete për startup-e, institucione kërkimore, universitete dhe sipërmarrës që të hyjnë në një rrjet europian dhe të eksplorojnë forma të reja bashkëpunimi përmes edukimit sipërmarrës, zhvillimit të teknologjive digjitale dhe mbështetjes për rritjen e bizneseve të reja.
Për më shumë informacion rreth EIT dhe mbështetjes që mund të ofrojë në rrugëtimin tuaj inovativ, mund të kontaktoni në: albania@eitcommunity.eu ose të ndiqni faqet përkatëse në LinkedIn: EIT Community Hub Albania dhe EIT Community RIS Hub Albania.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
